Tamyz aıynda ótkiziletin sport saıystaryna 2 mln. adam qatysady

ASTANA. 5 tamyz. «Qazaqstan Respýblıkasyndaǵy kásiptik jáne ózge de merekeler týraly» Qazaqstan Respýblıkasy Prezıdentiniń 2003 jylǵy 15 qarashadaǵy №1226 Jarlyǵymen tamyz aıynyń úshinshi jeksenbisi, «Sport kúni» kásibı mereke bolyp bekitildi. Soǵan baılanysty osy tamyz aıynda respýblıkanyń barlyq óńirinde sporttyq is-sharalar ótkiziledi. Bul týraly Mádenıet jáne sport mınıstrligi sport jáne dene shynyqtyrý isteri komıtetiniń baspasóz qyzmeti hbarlady. Atalǵan shara sheńberinde oblys jáne aýdan ortalyqtarynda 400-den astam iri sport saıystary uıymdastyrylady. Salaýatty ómir saltyn nasıhattaýǵa baǵyttalǵan bul sharalarǵa 2 mln.-ǵa jýyq adam qatysady dep josparlanýda. Sondaı-aq, buqaralyq sporttyń damýyna qatysty jumystar da qolǵa alynady. Sport aılyǵynda osy maqsatta ótkiziletin jarystarǵa barlyq býyn ókilderin, ıaǵnı, balalar, jasóspirimder, jastar jáne eresekterdi barynsha tartý kózdelip otyr. Aılyq barysynda ulttyq sport túrlerinen de jarystar uıymdastyrylady. Odan bólek, múmkindigi shekteýli jandar saıysy, aýyl spartakıadalary, zııatkerlik oıyn túrleri jáne taǵy basqalary nazardan tys qalmaıdy. Sonymen qatar, 16 tamyzda ortalyq memlekettik organ qyzmetkerleri sport aılyǵy sheńberinde Prezıdenttik test tapsyrady. Elaman Qońyr. Derek, sýret: Mádenıet jáne sport mınıstrligi sport jáne dene shynyqtyrý isteri komıtetiniń baspasóz qyzmeti.