Foto: russia.ru
Al Qazaqstan atynan 9 komanda baq synaıdy. Komandalar ulttyq joba aıasyndaǵy jańa formattaǵy «Keleshek mektepteri» jelisiniń oqýshylarynan qurylǵan. Ulttyq quramaǵa irikteýden irkilmeı ótken Shymkent, Almaty qalalarynyń, sondaı-aq Túrkistan jáne Qyzylorda oblystarynyń oqýshylary engen.
«Búginde elimizde 300 myńnan astam oqýshyǵa arnalǵan jańa formattaǵy 128 mektep salyndy. «Keleshek mektepteriniń» zamanaýı STEM-zerthanalarmen jabdyqtalýy – ár óńirdegi oqýshylardyń ınjenerlik ári ǵylymı áleýetin damytýǵa jol ashty. Nátıjesinde, olar halyqaralyq deńgeıde básekege qabiletti mamandar retinde qalyptasyp keledi», dedi QR Oqý-aǵartý mınıstrliginiń resmı ókili Mereke Amangeldiqyzy.
Makaodaǵy chempıonat qatysýshylar úshin tek tehnıkalyq syn ǵana emes, mádenı almasý, álemdik tájirıbe jınaqtaý jáne halyqaralyq yntymaqtastyqtyń múmkindigi. Bıylǵy jarys taqyryby muhıt pen sý resýrstaryn zertteýge arnalyp otyr. Qazaqstandyq oqýshylar osy baǵytta ózderiniń ınjenerlik sheshimderi men ǵylymı jobalaryn usynady.
