Reseıde áıeli men balalaryn óltirgen kúdikti ustaldy

ASTANA. 5 tamyz. Reseıdiń Tómengi Novgorod qalasynda alty balasy men áıelin óltirdi degen kúdik tańylǵan turǵyny ustaldy. Ol qolǵa túser kezinde búıreginen jaraqat aldy. Bul týraly ras.kz habarlady. Quqyq qorǵaý organdarynyń habarlaýynsha, kúdikti Vladımır oblysynyń Kovrovo qalasyndaǵy baqtyń úıshiginde tyǵylyp jatqan. Aldyn ala málimet boıynsha, bul baspana onyń enesiniki bolǵan. Kúdiktini ustaý operasııasyna arnaýly bólim jaýyngerleri qatysty. Taǵy bir mánbende, Belov olardyń birine pyshaq alyp umtylǵan. Sol kezde sarbaz onyń shabýylyn qaıtarý úshin oq atqan. Kúdikti sosyn aýyr halde aýrýhanaǵa jetkizildi. Tergeý komıtetiniń ókili Vladımır Markov: «Kúdiktiniń tergeý komıteti, ishki ister mınıstrligi jáne federaldy qaýipsizdik qyzmeti jaýyngerleriniń qatysýymen jasalǵan operasııa barysynda ustaldy», – dedi. Sondaı-aq, ol: «Qazirgi kezde onymen tergeý amaldary jasalyp jatyr. Qylmystyq is jalǵasady», – dep málimdeme taratty. Kúdikti Oleg Belovqa Tómengi Novgorodtaǵy páterinde 4 tamyz kúni óziniń alty balasy men ishinde bes aılyq balasy bar ekiqabat áıelin óltirip, olardy bólshektep tastaǵan, degen aıyp taǵylmaqshy. Sol kúni gorohoves qalasyndaǵy bir úıdiń esigi aldynda taǵy bir áıeldiń – boljammen Belovtyń anasynyń da máıiti tabylǵan. Talǵat Raıymbek. Derek, sýret: ras.kz.