foto: ashyq derekkóz
Atyraý oblystyq oblystyq bilim basqarmasynyń bólim basshysy Aınagúl Jumaǵazıevanyń aıtýynsha, qujat qabyldaý 31 tamyzǵa deıin jalǵasady.
«Oblysta 2025-2026 oqý jylynda 1-synypqa 16 762 oqýshynyń qabyldanatyny josparlanyp otyr. Bul ótken oqý jylyndaǵy oqýshylardan 1 054 balaǵa artyq. Birinshi synypqa qabyldanatyn oqýshylardyń kóp bóligi Atyraý qalasynda turady. Bıyl 1-synypqa qabyldaý eGov portaly arqyly júrgizildi. Qazir 1-synypqa dáris beretin muǵalimder sany jetkilikti, pedagog tapshylyǵy joq. Oqýshylardyń barlyǵy oqýlyqtarmen tolyq qamtamasyz etiledi», deıdi Aınagúl Jumaǵazıeva.
Onyń málimetinshe, 1-synypqa qabyldanatyn balalardyń 70 paıyzy memlekettik tilde oqýdy tańdap otyr. Al 30% orys tilinde bilim alady.
Sondaı-aq, 4 tamyzda «Balaqaılar mektebi» jumysyn bastady. Onda balalarǵa beıimdelý jáne daıarlyq sabaǵy ótkiziledi.
«Bul balalardyń mektepke beıimdelýine yqpal etedi. Daıyndyq sabaǵy aptasyna 5 ret ótkiziledi. Kúnine 4 sabaq bolady. Baǵdarlama kestesine saýat ashý, matematıka jáne kórkem ádebıet pánderi engizildi. «Balaqaılar mektebi» jumysy 22 tamyzǵa deıin jalǵasady», dedi Aınagúl Jumaǵazıeva.
