Onda Kólik mınıstri Nurlan Saýranbaev, Qarjy mınıstriniń mindetin atqarýshy Erjan Birjanov, Ulttyq qaýipsizdik komıteti tóraǵasynyń orynbasary – Shekara qyzmetiniń dırektory Erlan Aldajumanovtyń baıandamalary tyńdaldy.
Qarjy mınıstrliginiń málimetinshe, bıylǵy josparda Eýrazııalyq ekonomıkalyq odaqtyń syrtqy shekaralaryndaǵy (QHR, О́zbekstan Respýblıkasy, Túrikmenstan) 9 ótkizý pýnktin rekonstrýksııalaý jumystary tur. Búginde olardyń 4-eýinde: Qaplanbek, Atameken, Qaljat, Alakól pýnktterinde jumystar aıaqtaldy. Bes nysandy jańǵyrtý jumystary jyl sońyna deıin óz máresine jetpek. «Jibek joly» jolaýshylar ótkizý pýnktin rekonstrýksııalaý jospardan tys júrýde, aıaqtalýy kelesi jyldyń birinshi jartyjyldyǵynda kózdelip otyr.
Jańǵyrtý jumystary kezinde alty jolaqty kirme joldar, elektrondyq qadaǵalaý júıelerimen qosa alǵanda, barlyq qyzmet úshin biryńǵaı ınfraqurylym qurýdy kózdeıtin jaǵdaı jasaýǵa basa nazar aýdaryldy.
Baıandamalardy tyńdaǵan Premer-mınıstr keden qyzmetiniń, sondaı-aq Reseı Federasııasy men Qyrǵyzstan Respýblıkasy shekaralaryndaǵy avtomobıl ótkizý pýnktterin jóndeý merzimderiniń keshiktirilýine baılanysty salalyq mınıstrlikter jumysyn synǵa aldy.
Oljas Bektenov Qarjy mınıstrligi Memlekettik kirister komıteti men Kólik mınıstrligi Avtomobıl joldary komıtetiniń tóraǵalaryn jumysty tıisti deńgeıde uıymdastyrmaǵany úshin jaýapkershilikke tartýdy tapsyrdy.
Sonymen qatar mınıstrlikterdiń jaýapty basshylary jergilikti jerlerde jumysty úılestirý úshin óńirlerge jiberildi.
Keden qyzmetiniń kadr quramyna, ásirese ótkizý pýnktterine qatysty talaptardy qatańdatý, sondaı-aq jabdyqpen jaraqtandyrý jáne ınternet jelisine qoljetimdilikti qamtamasyz etý máseleleri boıynsha mindetter qoıyldy.
Kólik, Qarjy mınıstrlerine ótkizý pýnktterin rekonstrýksııalaý barysy týraly Premer-mınıstrge apta saıyn esep berý tapsyryldy.
