Sýret: kk.wikipedia.org
Oqytý atalǵan ınstıtýttyń joǵary akademııalyq standarttaryna sáıkes júrgiziledi. Sabaqty shetelden kelgen oqytýshylarmen qatar, ınstıtýt ádistemesi boıynsha arnaıy daıyndyqtan ótken elimizdiń bilikti mamandary ótkizedi.
Magıstratýra deńgeıinde fılıal «Qarjylyq ekonomıka jáne qarjylyq tehnologııalar», sondaı-aq «Kópjaqty ınstıtýttar jáne jahandyq tehnologııalyq damýdy basqarý» bilim berý baǵdarlamalaryn usynady. Oqý merzimi – eki jyl. Jalpy sany 40 granttyq oryn qarastyrylǵan. Ár baǵdarlama boıynsha 20 oryn. Sonymen qatar aqyly negizde oqý múmkindigi de bar. Aıta keteıik, magıstratýraǵa qujattardy qabyldaý tamyz aıynyń sońyna deıin jalǵasady.
Oqý baǵdarlamasy halyqaralyq bilim berý modýlderin qamtıdy. Naqtyraq aıtsaq, bakalavrıat stýdentteri Máskeý memlekettik halyqaralyq qatynastar ınstıtýtynyń Reseıdegi kampýstarynda eki semestr bilim alady, al magıstranttar – eki aılyq oqý modýlinen ótedi. Oqý aıaqtalǵan soń túlekterge Reseı Federasııasynyń memlekettik úlgidegi, MMHQI dıplomymen teń dárejede tanylatyn dıplom tabystalady.
Bastapqy kezeńde atalǵan ınstıtýttyń elimizdegi fılıaly L.N.Gýmılev atyndaǵy EUÝ aýmaǵynda ornalasady, keıinirek jeke ǵımaratqa kóshiriledi.
