Foto: ashyq derekkóz
GPT‑5 Nano nusqasy tek API arqyly qoljetimdi bolady. Ol qarapaıym jáne jyldam jaýaptar qajet etetin qoldanýshylarǵa arnalǵan arzan ári jeńil sheshim bolmaq. Al standartty GPT‑5 kópfýnksııaly júıe. Ol ekspress-rejimnen bastap, tereń taldaý jasaýǵa deıingi túrli deńgeıdegi suranystarǵa beıimdele alady. Eń joǵary ónimdilik rejımderi tek Plus jáne Pro jazylymdaryna qoljetimdi bolady.
Jańa GPT‑5 modeli qoldanýshynyń suranysyn ózi saraptap, jyldam jaýap berý men keńeıtilgen taldaý arasynda avtomatty túrde tańdaý jasaı alady. Sondaı-aq «uzaǵyraq oılanyp kórý» (Think Longer) fýnksııasy saqtalady. Bul kúrdeli tapsyrmalarda egjeı-tegjeıli jaýap alýǵa múmkindik beredi.
OpenAI GPT‑5 modelin daıyndaý kezinde Universal Verifier modýlin qoldanǵan. Bul modýl jaýaptardyń durystyǵyn tekserip, qajet bolǵan jaǵdaıda olardy jetildirýge baǵyttaıdy. Júıe tek tehnıkalyq salalarmen shektelmeı, shyǵarmashylyq mátinder men bıznes-taldaýlarda da sapany arttyrýǵa baǵyttalǵan.
GPT‑5 mýltımodaldy múmkindikterin keńeıtip, jaýaptardyń dáldigin arttyrýy jáne «gallıýsınasııa» deńgeıin tómendetýimen erekshelenbek.
