Osy oraıda "Abaı joly – bolashaqqa baǵdar" degen uranmen «Ońtústik» óńirlik qolbasshylyǵyna qarasty áskerı bólimder arasynda erekshe chellendj uıymdastyryldy. Igi bastama aıasynda sarbazdar men ofıserler Abaı Qunanbaıulynyń óleńderi men qara sózderin jatqa oqyp, bir-birine estafeta joldady.
Máselen, Shymkent qalasyndaǵy 6506 áskerı bólimi alǵashqy bolyp chellendjdi bastap, Almaty qalasynda ornalasqan 5571 áskerı bólimine joldady. О́z kezeginde almatylyq sarbazdar estafetany Taraz qalasyndaǵy 5513 áskerı bólimine tapsyrdy. Bul úrdis óńirlik bólimder arasynda jalǵasyp, aqyn shyǵarmashylyǵyn keńinen nasıhattaýǵa sep bolýda. Kelesi kezekte qyzylordalyq áskerıler estafetany qabyldap, ári qaraı Almaty oblysyndaǵy Alataý qalasyna joldady. Chellendjdi Taldyqorǵandaǵy Ulttyq ulannyń áskerı bólimi jalǵastyryp, Almaty, Shymkent qalalaryndaǵy basqa áskerı bólimder de ún qosty. Abaı shyǵarmalaryna arnalǵan onkúndik estafetasyn Túrkistan qalasyndaǵy 5574 áskerı bólimi aıaqtaıdy.
Chellendj beınerolıkteri áskerı bólimderdiń áleýmettik jelidegi resmı paraqshalarynda jarııalanyp, jurtshylyqtyń oń baǵasyn alýda. Igi bastama jas býynnyń ádebıetke degen qyzyǵýshylyǵyn arttyryp, Abaı murasyn tereńirek tanýǵa múmkindik berip otyr.
