Bizdiń mektep 2025 jyly 19 aqpan kúni jańadan ashyldy. Jobalyq qýaty 1 500 oqýshyǵa arnalǵan mektebimizdi qaýipsiz mekeme dep aıtýǵa bolady. О́ıtkeni munda oqýshy qaýipsizdigin qamtamasyz etý qolǵa alynǵan. Atap aıtqanda, barlyq «Keleshek mektepterinde», sonyń ishinde bizdiń mektepte de alǵashqy medısınalyq kómek kórsetetin pýnkt, mektepke kirip-shyǵýdaǵy baqylaý, beınebaqylaý júıesi, tótenshe jaǵdaılar kezindegi qaýipsizdik, qosalqy shyǵý joldary, órt qaýipsizdigi júıesi, zorlyq-zombylyqtyń, býllıngtiń aldyn alý baǵytyndaǵy sharalar, synyptardyń, mektep ashanasynyń, sport zaldyń sanıtarlyq jaǵdaıy, erekshe bilim berý qajettiligi bar oqýshylar úshin arnaıy jaǵdaı, psıholog mamandarmen jumys júıesi iske qosylǵan. Sonymen qatar oqýshylardyń mektepke kelip ketý joldary da basty nazarda.
Máselen, bizdiń mektepte oqýshy men personal qaýipsizdigi úshin 180 beınebaqylaý kamerasy ornatylǵan. Olardyń 116-sy mektep ishinde bolsa, 64-i mektep aýlasynda ornalasqan. SOS túımeleriniń sany – tórteý. Al tótenshe jaǵdaı kezinde qosalqy 16 esik qoldanylady. 12 týrnıket bar. Mektepte ınternet jyldamdyǵy – 120 m/bıt sekýnd, ol eki jelige bólinedi. Mektep ǵımaratynyń tóbesine shyǵatyn 2 esik; 5 lıýk baspaldaq qoldanýǵa daıyn turady. Mektepte jalpy 66 órt sóndirgish, 30 gıdrant ornatylǵan, ol ǵımarattyń ár qabatyna jáne jertólege retimen bólingen. Buǵan qosa mektepte 3 jerde baılanys telefony qoıylǵan.
«Keleshek mektepteri» jobasy aıasynda salynǵandyqtan, mektebimizde bala qaýipsizdigin qamtamasyz etetin jeke sanıtarlyq bólmeler, keń kabınetter, jedelsaty, pandýstar, arnaıy belgiler, psıholog, logoped jáne defektolog kabınetteri tolyq jabdyqtalǵan.
Mektebimizdiń taǵy bir ereksheligi – kirýdi baqylaý júıesi ID karta arqyly ótedi. Bastaýysh, orta jáne joǵary býyn oqýshylary bólek-bólek, ózderine arnalǵan esikten kirip, óz oqý bloktaryna ótedi.
Bizdiń mektep kúni keshe ashylsa da, oqýshylarymyzdy túrli jaǵdaıdan saqtandyratyn is-sharalar keshenin ótkizip úlgerdik. Mysaly «Qaýipsizdik jáne elektr energııasy: transformatorlyq kúrkeler men elektr qosalqy stansııalaryna nege jaqyndaýǵa bolmaıdy» atty synyp saǵatynda jetekshi ınjener Meıramgúl Bolatqyzy oqýshylarǵa túsindirý jumysyn ótkizdi. «Qaýipsiz jol» jobasy aıasynda Azamattyq bastamalar qaýymdastyǵy SAMGAU músheleri jáne Shaǵan polısııa bólimi qyzmetkerleri mektepte bastaýysh synyp oqýshylarymen profılaktıkalyq aksııa uıymdastyrdy. Analar kúnine jáne respýblıkalyq reprodýktıvti densaýlyq aptalyǵyna oraı oqýshylar №6 emhananyń dárigeri Jadyra Jaqsylyqqyzymen kezdesti. BQO Tótenshe jaǵdaılar departamenti ókilderimen de turaqty is-sharalar ótip turady. Býllıngten qorǵaý qaýipsizdik sabaǵy, «Salamatty urpaqtyń – salaýatty ómiri» taqyrybynda ótken qaýipsizdik sabaqtary balalarǵa paıdaly bolǵany anyq. Al Shaǵan polısııa bólimi jergilikti polısııa qyzmeti bólimshesiniń kámeletke tolmaǵandar isteri jónindegi ýchaskelik polısııa ınspektory, polısııa kapıtany Móldir Qadımqyzy qatysqan «Qaýipsiz qoǵam», «Quqyqtyq mádenıet jáne onyń mańyzy» sekildi kezdesýler oqýshylarǵa zań men tártipti túsindirip, óz quqyn qorǵaýǵa kómegin tıgizdi dep oılaımyn.
Shyndyǵynda oqýshy qaýipsizdigin qamtamasyz etý – bolashaq úshin jasalǵan qadam. Qaýipsiz ortada tárbıelengen bala erkin oılaıtyn, bilimdi, jaýapkershiligi joǵary tulǵaǵa aınalady. Sondyqtan bilim berý uıymdarynda qaýipsizdik máselesi únemi basty nazarda bolýǵa tıis. Memleketimiz osy máseleni mańyzdy dep tanyp, alǵy shepke qoıyp otyr. Prezıdent tapsyrmasymen salynǵan ulttyq joba – «Keleshek mektepteri» tek jańa ǵımarat pen zamanaýı jabdyq emes, eń aldymen balanyń jan-jaqty qaýipsizdigin qamtamasyz etetin birden bir ortaǵa aınaldy.
Samal RAHMETÝLLINA,
№52 mekteptiń dırektory
Oral
