Shetelde kadrlar daıarlaý jónindegi respýblıkalyq komıssııanyń sheshimimen 217 qazaqstandyq "Bolashaq" halyqaralyq stıpendııasynyń ıegeri atandy.
– Onyń ishinde 167 adam magıstratýrada, 13 adam doktorantýrada oqıdy, al 37-i álemniń úzdik ýnıversıtetteri men ortalyqtarynda kásibı taǵylymdamadan ótedi, – dep habarlady “Halyqaralyq baǵdarlamalar ortalyǵy” AQ Telegram-kanaly.
Bul rette stıpendıattardyń 67,7%-y jaratylystaný-tehnıkalyq pánder boıynsha, al 32,3%-y qoǵamdyq-gýmanıtarlyq beıin boıynsha oqıdy.
Buǵan qosa, Shetelde kadrlar daıarlaý jónindegi respýblıkalyq komıssııanyń sheshimimen 68 qazaqstandyqqa álemniń jetekshi ǵylymı jáne zertteý ortalyqtarynda ǵylymı taǵylymdamadan ótýge stıpendııa taǵaıyndaldy.
