Mereke S.Qojamqulov atyndaǵy Jezqazǵan qazaq mýzykalyq drama teatr ártisteriniń teatrlandyrylǵan qoıylymymen bastalyp, kórermenderge uly aqynnyń ómiri men murasy jaıly taǵylymdy kórinis kórsetildi. Arnaıy daıyndalǵan alańda Abaıdyń kitaptary, sýretteri jáne shyǵarmashylyq murasyna qatysty kórmelik ekspozısııalar kópshilik nazaryna usynyldy.
Oblys ákiminiń orynbasary Zına Aqylbekova quttyqtaý sózinde Abaıdyń halyq rýhanııatyndaǵy aıryqsha ornyn atap ótip, onyń ósıet-ónegesi ár urpaqqa jol kórsetetin shamshyraq ekenin jetkizdi. Sondaı-aq, Ulytaý oblystyq ardagerler keńesi tóraǵasynyń orynbasary, abaıtanýshy Bekbolat Esenov jınalǵandarǵa júrekjardy lebizin bildirdi.
Saltanatty jıyn aıasynda «Abaı-dana, Abaı-dara» atty aqyndar múshaırasynyń jeńimpazdary marapattaldy. Bas júldeni Abaı atyndaǵy mamandandyrylǵan mektep-ınternattyń ustazy Janat Ábdiǵojın ıelendi. Júldegerler sahnada óz óleńderin oqyp, kópshilik qoshemetine bólendi.
Zııaly qaýym ókilderi men turǵyndar Abaı eskertkishine gúl shoqtaryn qoıyp, uly oıshyldyń rýhyna taǵzym etti. Hakim Abaıdyń týǵan kúni qarsańynda eskertkish mańynda aqynnyń ánderi shyrqalyp, óleńderi oqyldy.
Osyǵan deıin «Abaı kerýeni» ádebı sapary 4 tamyzda Jezqazǵan qalasynda bastalyp, Ulytaý, Jańaarqa aýdandary, Qarajal, Sátbaev qalalary jáne Jáırem kentinde jalǵasyn tapty. Joba maqsaty – Abaıdyń shyǵarmashylyq murasyn keńinen nasıhattap, ulttyń rýhanı qundylyqtaryn dáripteý.
Ulytaý oblysy
