Lager jyl saıyn turaqty uıymdastyrylady. Bul joly is-shara Aqmola oblysynyń Shortandy aýdanynda ótip jatyr. Oǵan Tótenshe jaǵdaılar vıse-mınıstri, general-maıor Ramıl Kamalov jáne Aqmola oblysy TJD bastyǵy Baqytjan Alashov baryp qaıtty.
Jastarmen kezdesýde Vıse-mınıstr bastamany joǵary baǵalap, jastardy naqty is-áreketter arqyly patrıottyq tárbıeleýdiń mańyzdylyǵyn atap ótti.
«Zań men tártip» qaǵıdasy – bul tek memlekettik saıasat máselesi ǵana emes, ár azamattyń jeke jaýapkershiligi. Munda jastar tek demalyp qana qoımaı, áreket etýge: qoǵam múddesin qorǵaýǵa, zańǵa baǵynýdyń úlgisi bolýǵa jáne basqalarǵa kómek kórsetýge daıyn bolýǵa úırenedi», dedi R.Kamalov.
«Dala Qyrandary» qozǵalysynyń uıymdastyrýymen ótken lager eldiń barlyq óńirlerinen kelgen 1000-nan astam belsendi jastyń basyn qosty. Jeti kún boıy qatysýshylar shatyrlarda turyp, sporttyq jáne bilim berý is-sharalaryna qatysady, ózara kómek, jaýapkershilik pen adaldyq daǵdylaryn meńgeredi, belsendi azamattyq ustanym men patrıottyq rýhty qalyptastyrady. Osylaısha jastar lageri eldiń turaqtylyǵy men damýyna belsene atsalysatyn, otanshyl jastar qataryn nyǵaıtýǵa úles qosyp keledi.
