Foto: gov.kz
10 tamyzda ekıpaj komandıri maıor Nurjigit Qaıratuly Úısinbaevtyń denesi tabylǵan bolatyn.
Ol eskadrılıa komandıriniń (armııalyq avıasııa) tárbıe jáne ıdeologııalyq jumys jónindegi orynbasary bolǵan. 1-synypty ushqyshtyń EC-145 tikushaǵyn basqarýda tájirıbesi joǵary, jalpy ushý ýaqyty – 930 saǵat bolǵan.
11 tamyz kúni izdeý toptary avıasııalyq eskadrılıa avıasııalyq býynynyń bort tehnıgi kapıtan Baqtııar Sánıollauly Erjigitovtiń denesin tapqan edi. 1-synypty mamannyń EC-145 tikushaǵyn basqarýda tájirıbesi jetkilikti, jalpy ushý ýaqyty – 300 saǵatty quraǵan. Avıasııalyq bólimderde kóp jyldyq tájirıbe jınaqtaǵan joǵary bilikti maman, beıindik daıyndyqtan ótken.
12 tamyz kúni ekıpaj komandıriniń kómekshisi kapıtan Aman Nurlanuly Amangeldiniń denesi tabyldy. Tájirıbeli ushqysh, kúrdeli meteorologııalyq jaǵdaılarda birneshe márte ushyp, jattyqqan. EC-145 tikushaǵyndaǵy ushý ýaqyty – 295 saǵat.
Qaza tapqan ushqyshtardyń úsheýi de Áýe qorǵanysy kúshteri áskerı ınstıtýtynyń túlegi.
Mınıstrlik akvatorııany jáne oǵan irgeles aýmaqty zertteý boıynsha izdestirý sharalary jalǵasa beretinin málimdedi.
Osyǵan sáıkes tikushaq bólikterin anyqtaý jáne jaǵaǵa shyǵarý jumystary jalǵasyn tabady.
Apattyń sebepterin anyqtaý úshin tergeý amaldary júrgizilip jatyr.
Qazaqstan Respýblıkasynyń Qorǵanys mınıstrligi men Qarýly kúshteriniń basshylyǵy qaza tapqandardyń týystary men jaqyndaryna qaıǵyryp kóńil bildirip, olarǵa barlyq qajetti kómek kórsetiletinin aıtty.
Aıta keteıik, 2025 jylǵy 25 shildede Almaty oblysynda josparly ushý kezinde Qazaqstan Respýblıkasy Qarýly Kúshteriniń Áýe qorǵanysy kúshterine tıesili EC-145 tikushaǵy radardan joǵalyp ketken bolatyn.
