Aqyn, kompozıtor Jaıaý Musa Baıjanovtyń 190 jyldyǵyna, jýrnalıst, satırashy Qadyr Taıshyqovtyń 125 jyldyǵyna, jazýshy Qalmuqan Isabaıdyń 100 jyldyǵyna jáne kınorejısser, kompozıtor Qýat Ábýseıitovtiń 100 jyldyǵyna oraı Baıanaýyl jerinde merekelik is-sharalar ótedi.
- О́nerdiń damýyna áıgili jerlesterimiz, mádenıet jáne óner qaıratkerleri zor úles qosty. Búgingi jas býyn olardyń eńbegin bilýi mańyzdy. Al ǵalymdar men tarıhshylardyń qyzmetiniń mańyzdy baǵyttarynyń biri — olardyń Qazaqstan mádenıetiniń damýyna qosqan úlesin zertteý, zerdeleý jáne nasıhattaý. Osy sebepti aýdanymyzdaǵy Moıyldy shatqalynda úlken toı ótedi. Onyń aıasynda «Rýhy bıik tulǵalar» atty respýblıkalyq konferensııa, respýblıkalyq aqyndar aıtysy, dástúrli ánshiler baıqaýy ótip, qalamgerler arasyndaǵy shyǵarmashylyq jáne satıralyq baıqaýlardyń qorytyndysy jasalady. Ǵylymı konferensııa jumysyna ataqty jerlesterimizdiń urpaqtary, ǵalymdar, jazýshylar, oqý oryndarynyń oqytýshylary, tarıhshylar, ólketanýshylar, mýzeı, arhıv jáne kitaphana isi mamandary qatysady,-dep habarlady Baıanaýyl aýdany ákimdiginen.
Atalǵan merekelik is-sharalarǵa respýblıkanyń ár túpkirinen mádenıet jáne óner ókilderi keledi dep kútilip otyr. Aýdanda at báıgesi, ulttyq sport jarystary uıymdastyrylady.
Pavlodar oblysy
