Tehnologııa • 13 Tamyz, 2025

Internet arqyly tabys tabatyndarǵa tyqyr taıandy

100 ret

kórsetildi

1 mın

oqý úshin

Elimizde YouTube, TikTok jáne basqa da ınternet-platformalardan tabys tabatyn azamattarǵa qatysty jańa talap kúshine enedi. Memlekettik kirister komıtetiniń málimetinshe, 2026 jyldan bastap mundaı kiris resmı túrde baqylaýǵa alynady, dep jazady Egemen.kz.

Abzal MAQASh

Internet arqyly tabys tabatyndarǵa tyqyr taıandy

Foto: ashyq derekkózden

Jańa Salyq kodeksine saı, sheteldik jáne otandyq onlaın-platformalar óz paıdalanýshylary týraly derekterdi aı saıyn ýákiletti organdarǵa joldaýǵa mindetteledi. Bul aqparatta satýshynyń aty-jóni, klıentter tizimi, mámile somasy jáne basqa da mańyzdy málimetter kórsetiledi.

Mysaly, otandyq avtor YouTube-taǵy beınerolıkten nemese TikTok-taǵy jarnamadan tabys tapsa, tólem týraly derek tikeleı salyq organdaryna túsedi. Sheteldik platformalar da otandastarymyzǵa tólengen qarjyny ashyq kórsetýge tıis.

Júıe iske qosylǵannan keıin ınternet arqyly tabys tabatyndar kirisin jasyrmaı, salyqty ýaqtyly tóleýi qajet bolady. Memlekettik kirister komıteti bul shara salyq tóleý mádenıetin qalyptastyrýǵa jáne «kóleńkeli» onlaın tabysty azaıtýǵa baǵyttalǵanyn aıtyp otyr.