Aýrýhanaǵa flıýorografııa fýnksııasy bar mobıldi rentgen apparaty ákelindi. Buryn tek stasıonar jaǵdaıynda qoldanylǵan eski jabdyqtyń ornyna kelgen bul júıe naýqastardy ornynan qozǵaltpaı-aq sholý jáne flıýorografııalyq túsirilimder jasaýǵa múmkindik beredi.
Vakýýmdy sorǵysh, dári engizý júıesi, jaryqtandyrý jáne beınebaqylaý fýnksııalary bar LOR-kombaın ornatyldy. Ol qulaq, tamaq jáne muryn aýrýlaryn dıagnostıkalaý men emdeýdiń sapasyn arttyrdy.
Aýrýhana ámbebap operasııalyq ústelmen, jańa narkoz-tynys alý apparatymen jáne pasıent monıtorymen jabdyqtaldy. Monıtor júrek soǵysyn, qannyń ottegimen qanyǵýyn, arterııalyq qysymdy jáne dene temperatýrasyn táýlik boıy baqylaýǵa múmkindik beredi.
Reanımasııa jáne ıntensıvti terapııa bólimderine eresekter men balalarǵa arnalǵan ókpeni jasandy jeldetý qurylǵysy alyndy.
Jańadan alynǵan bul tehnıka aýdandyq aýrýhananyń dıagnostıkalyq jáne emdik múmkindikterin aıtarlyqtaı keńeıtip, medısınalyq qyzmet sapasyn jańa deńgeıge kóterdi.
