Kásipkerlik quzyretterdi damytý jáne bıznesmenderdiń kásibı ósýi salasynda birlesken jumys týraly eki jaqty memorandýmǵa Ǵylym jáne joǵary bilim mınıstri Saıasat Nurbek pen «Damý» kásipkerlikti damytý qorynyń basqarma tóraǵasy Farhat Sársekeev qol qoıdy.
Kezdesý barysynda taraptar kýrs naryqtyń naqty qajettilikterine beıimdelip, qazirgi zamanǵy syn-tegeýrinderge baǵdarlanady, al oqytý basqarýshylyq daǵdylardy damytýǵa jáne bıznes ókilderiniń iskerlik biliktiligi men qarjylyq saýattylyq deńgeıin arttyrýǵa múmkindik beredi dep kelisti. Qujat taraptardyń kásipkerlikti qoldaýǵa jáne eldiń ekonomıkalyq ósýine járdemdesýge baǵyttalǵan uzaq merzimdi jáne nátıjeli áriptestikke umtylysyn rastaıdy.
Mınıstr S.Nurbek otyrysta elimizdegi joǵary oqý oryndarynda bilim berý úderisin jetildirýge baǵyttalǵan sharalar týraly keńinen aqparat berip, bilim berý baǵdarlamalary men kýrstaryn júzege asyrýdy qoldaýǵa daıyn ekenin jetkizdi.
Farhat Sársekeev óz sózinde «Damý» qory bıznesti, ásirese óńirlerde qoldaýdyń bilim berý quraldaryn keńeıtýge múddeli ekenin jáne ýnıversıtettermen yntymaqtastyqty Qazaqstandaǵy kásipkerlikti damytýdyń strategııalyq baǵyty retinde qarastyratynyn atap ótti.
