Shyǵarmalaryna jańa vızýaldy ınterpretasııa berilgen jazýshylar, aqyndar men oıshyldardyń qatarynda – Aqan seri Qoramsauly, Bazar jyraý Ońdasuly, Baýbek Bulqyshev, Beıimbet Maılın, Birjan sal, Bernııaz Kúleev, Jambyl Jabaev, Ilııas Jansúgirov, Isa Baızaqov, Maǵjan Jumabaev, Mahambet О́temisuly, Máshhúr Júsip Kópeıuly, Mustafa Shoqaı, Sábıt Muqanov, Saıyn Muratbekov, Sattar Erýbaev, Sábıt Dónentaev, Sáken Seıfýllın, Súıinbaı Aronuly, Sultanmahmut Toraıǵyrov, Shákárim Qudaıberdiuly, Shal Qulekeuly, Sháńgereı Bókeıuly, Shortanbaı Qanaıuly, Ybyraı Altynsarın bar.
Klassıkalyq shyǵarmalarǵa jańa vızýaldy kelbet berý ıdeıasy «Tanda Bilim» jobasynyń avtory Jánibek Maǵaýııaulyna tıesili. Ol keıbir elektrondy kitaptarda kórkem vızýaldyń jetkiliksiz ekenin baıqaǵan.
Sonymen qatar, bul qadam Qazaqstannyń ádebı murasyna nazar aýdartýǵa, ony keń aýdıtorııa úshin qoljetimdi ári qyzyqty etýge kómektesedi.
«Biz úshin bul – Qazaqstan mádenıetine degen súıispenshiligimizdi bildirýdiń, qazaq ádebıeti men ónerin nasıhattaýǵa úles qosýdyń tamasha múmkindigi. Jumystarymyz jańa oqyrmandardy tartýǵa kómektesetinine qýanyshtymyz», – deıdi ol.
Jobaǵa birneshe ózge sýretshiler qosylyp, tanymal kitaptarǵa ózderiniń kórkem ınterpretasııasyn usyndy. Olardyń qatarynda – Jánibek Maǵaýııauly, Marııa Ilnıskaıa, Ámirbek Dinmuhammed, Anelııa Bekbasova, Alına Kovyleva, Ernaz Ramazanov, Sáýle Beken, Adıl Shakırov, Ápeeva Qarakóz, Qaırýlla Dinmuhamed bar.
Bul qazaqstandyq ádebıettiń zamanaýı ári ózekti, tereńdigi men dástúrin saqtaı otyryp, qazirgi zamanmen úndese alatynyn aıqyn kórsetedi.
Installıasııa 2025 jylǵy 12 tamyzdan 6 qyrkúıekke deıin «Muhtar Áýezov atyndaǵy teatr» metro stansııasynda ashyq bolady. Bul – qala turǵyndary men qonaqtary úshin qazaq avtorlarynyń shyǵarmalarymen zamanaýı óner prızmasy arqyly tanysýǵa tamasha múmkindik.
