Foto: IIM
Qylmyspen kúres barysynda esirtki jasyrýshylardan bastap esirtki bıznesin uıymdastyrýshylarǵa deıingi shemalar ashylǵan. Uıymdasqan qylmystyq toptardy qurý jáne basqarý faktileri boıynsha 24 qylmystyq is qozǵalyp, onyń ishinde úsh transulttyq qylmystyq top joıylǵan. 12 basshy men 48 belsendi qatysýshy qolǵa túsken.
«Halyqaralyq seriktestik aıasynda Reseı Federasııasymen birlesip, ótken jyldan beri izdeýde júrgen kúdikti ustaldy. Ol el aýmaǵynda sıntetıkalyq esirtki óndirý boıynsha birneshe esirtki zerthanasynyń jumysyn uıymdastyrǵan. Jańa sıfrlyq sheshimderdiń arqasynda jastar arasynda tanymal esirtki saıttarynyń buǵattalýy úsh esege artty. Olardyń sany 20 myń. Shottarynda 2,5 mıllıard teńge jınaqtalǵan kúdikti operasııalarmen baılanysty 38 myń bank kartasy buǵattaldy», dedi IIM esirtki qylmysy qarsy is-qımyl komıteti tóraǵasynyń mindetin atqarýshy Danııar Meıirhan.
Bıyl mamandar 11 tonnadan astam esirtkiniń aınalymǵa túsýine jol berilmegen. Sonymen birge sıntetıkalyq esirtkiniń tárkilengen kólemi úsh esege artyp, bir tonnadan asqan. Esirtki ósirýdiń 322 faktisi jáne 76 kontrabanda deregi anyqtalǵan.
Sondaı-aq 102 esirtki zerthanasy, olardyń 11 sıntetıka óndirý boıynsha, 91 fıtozerthana joıylǵan.
