Qurylymnyń altynshy basqosýy

Astanada Syrtqy ister mınıstriniń orynbasary Alekseı Vol­kovtyń jáne Avstrııa Respýblıkasynyń Ǵylym, zertteý jáne eko­nomıka federaldy vıse-mınıstri Bernadette Gırlıngerdiń teń tór­aǵalyǵymen Qazaqstan-Avstrııa saýda-ekonomıkalyq ynty­maq­tastyq jónindegi úkimetaralyq komıssııasynyń 6-otyrysy ótti. Otyrys barysynda taraptar eki­jaqty kún tártibiniń ózekti máse­lelerin, sonyń ishinde Qazaq­stan Respýblıkasy men Avs­trııa Respýblıkasynyń ekonomıkalyq ahýaly, ekijaq­ty yn­ty­maqtas­tyq­tyń qazirgi jaǵdaıy men bolashaq múmkin­dik­teri boıynshy dástúrli pikir almasty. Kún tártibiniń arnaıy bóligi re­tinde Avstrııa Respýblıkasynyń Ekonomıka, otbasy jáne jas­tar boıynsha federaldy mı­nıstrligi men Qazaqstan Respýb­lıkasy In­vestısııalar jáne damý mınıs­trligi arasyndaǵy eko­nomıkalyq yntymaqtastyq jónin­degi Jol kartasy sheńberinde basymdy jobalardyń jańartylǵan tizimi talqylandy. Delegasııalar, sonymen qa­­tar, Qazaqstan-Avstrııa yn­ty­­maq­tastyǵynyń energetıka, qor­shaǵan ortany jáne tabı­ǵatty qorǵaý tehnologııalary, kólik jáne ınfraqurylym, aýyl sharýa­shylyǵy, densaýlyq saqtaý jáne medısınalyq tehnıka, joǵary bilim berý jáne óńir­aralyq yntymaqtastyqty damytý salalaryndaǵy ózekti máseleler men múmkindikterdi talqylady. Komıccııa otyrysynyń sheń­berinde Qazaqstan tarapy EKSPO-2017 jobasynyń jáne Qa­zaqstan Respýblıkasyna resmı kómek kórsetý tujyrym­da­ma­synyń tusaýkeserin ótkizdi. «Egemen-aqparat».