Jýrnalıstermen kezdesýde Qostanaı oblystyq bilim berý basqarmasynyń basshysy Álııa Turǵaraeva osyny málimdedi. Sodan keıin mektepterdiń jańa oqý jylyna jáne qysqa daıyndyǵy, oqýlyqtyń jetkizilýi jóninde áńgimeledi.
Oblystaǵy 548 jalpy bilim beretin mektepterdiń 47 paıyzy kúrdeli jóndeýden ótkizildi. Qarasý aýdanyndaǵy apat jaǵdaıynda turǵan Ilıch bilim uıasy týraly kópten beri aıtylyp keledi. Bilim berý basqarmasynyń basshysy bul mekteptiń jóndeý jumystary 2016 jyly júrgiziletinin aıtty. Jyl basynan beri 5 bilim mekemesine kúrdeli jóndeý jumystary júrgizilgen.
Búginge deıin barlyǵy 741 memlekettik bilim berý mekemeleriniń 431-i qatty otynmen jylytylady. Olarǵa jylyna 95 myń 21 tonna kómir jetkizilýi tıis. Qazir barlyq kerekti otynnyń 94 paıyzy jetkizildi. Oblysta bıyl 9 mektep jabylyp, 5-ýi qaıta qurylatyn sebebi aýylda bala sanynyń azaıýyna baılanysty bolyp otyr. О́tken jyly 8 mektep jabylyp, 10 mektep qaıta qurylǵan bolatyn. Álııa Turǵaraevanyń aıtýynsha, byltyr 3-shi jáne 10-shy synyptar arasyndaǵy oqýshylar oqýlyqpen 98 paıyz qamtamasyz etilgen. Alaıda, bilim oshaqtaryna kitaptardyń óz ýaqytynda jetkizilmeýi biraz qıyndyqtar týǵyzǵan bolatyn. Bıyl oqýlyqtardyń tasymaldanyp, jetkizilýi 80 paıyzdy qurap otyr. Al olardy aýdandarǵa jetkizý 10 tamyzda aıaqtalady.
Názıra JÁRIMBETOVA, «Egemen Qazaqstan».
QOSTANAI.
