Jastar densaýlyǵyna – jiti nazar

Densaýlyq saqtaý mınıstr­liginiń deregi boıynsha, bul kórsetkishter birneshe oblys­ta joǵary deńgeıde. Osyǵan baı­­lanysty Ulttyq komıssııa she­shimimen jergilikti atqarýshy or­gandar, dárigerler, pedagogter, sarapshylar, ata-analar jáne azamattyq qoǵam ókilderi qaty­­satyn arnaıy semınar ótkizilip keledi.

Prezıdent janyndaǵy Áıel­­der isteri jáne otbasy­lyq-demo­g­rafııalyq saıasat jó­nin­degi Ult­tyq komıs­sııa mú­shesi, Parlament Májilisiniń depý­taty Juldyz Súleımenova Mań­­ǵystaý obly­synda «Jastar men jasóspi­rim­derdiń repro­dýk­­tıvtik densaý­lyǵyn saq­taý­dyń tıimdi joldary» taqy­rybynda semınar ótkiz­di. Semı­narǵa Mańǵystaý ob­lys­­tyq bilim, densaýlyq saq­taý, jas­tar saıasaty, din isteri, aqpa­­rat jáne qoǵamdyq damý basqar­ma­larynyń ókilderi, qala, aýdan ákim­deriniń áleýmettik sala­ǵa jaýapty orynbasarlary, quqyq qorǵaý organdarynyń káme­letke tolmaǵandar isteri, olar­­dyń quqyqtaryn qorǵaý jáne tur­mystyq zorlyq-zomby­lyqqa qarsy kúres bólimderi qyzmetkerleri men pedagog-psıhologter, mektep medbıkeleri, kolledj, mektep dırektorlary, tárbıe isi jónindegi orynbasarlary, ata-analar komıteti men BAQ ókilderi, Analar keńes­te­riniń músheleleri qatysty.

Májilis depýtaty J.Súleı­menova «Ana men balany qorǵaý, ult saýlyǵyn saqtaý – elimizdiń tabysty bolashaǵynyń irgetasy. Balalar men jasóspirimderdiń densaýlyǵyn nyǵaıtýda ınnova­sııalyq tásilderdi engizý – mem­le­kettik saıasattyń basty qaǵı­dattarynyń biri. Náreste, bala jáne ana ólimin azaıtý, erte júktiliktiń aldyn alý – densaý­lyq saqtaý júıesiniń tıimdi­liginiń negizgi kórsetkishi bolýǵa tıis», dedi.

Buryn emhanalar janynda jumys istegen jasóspirimderge arnalǵan bólimsheler densaýlyq saqtaý reformasynan keıin ja­by­­lyp qalǵan. Qazir bul qyz­met­­ti qaıta ashý máselesi kún tártibinde tur. Sondaı-aq min­detti áleýmettik saqtandyrý qory arqyly jumys isteıtin 4 Jastar densaýlyǵy ortalyǵy tolyq paıdalanylmaı keledi.

2024 jyly BUU Halyq qory (IýNFPA) júrgizgen saýalnamada el jastarynyń kópshiligi jynystyq densaýlyq týraly aq­paratty ınternet pen áleý­met­tik jeliden alatyny anyq­tal­dy. Máseleni sheshýde tek dástúrli sabaqtarmen shek­tel­meı, sıfrlyq tehnologııa­lar múm­kindikterin paıdalaný ózek­ti. Ata-analarmen jumysty kú­sheı­tý jáne mekteptegi tár­bıe saǵat­tarynyń mazmunyn jetil­dirýge kóńil bólý qajet, sondaı-aq otba­­­syn qoldaý ortalyqtarynyń ju­my­­syn keńeıtý shart.

Semınarda ár qatysýshy pikir bildirip, usynystaryn ortaǵa saldy. Bir jyl buryn ashylǵan otbasyn qoldaý ortalyqtarynyń maqsaty, ju­mys júıesi jáne tá­jirıbesi egjeı-tegjeıli túsin­dirildi. Basty maqsat – jastardyń deni saý, sanaly, bilimdi, ómirlik durys tańdaý jasaı alatyn urpaq bolyp qalyptasýy.       

Mańǵystaý oblysy