Túrki álemi: jas býyn úni

Is-sharaǵa Túrki memleketteri uıy­my­na múshe Ázerbaıjan, Qyrǵyzstan, Túrkııa, О́zbekstan elderinen delegattar keldi. Festıval aıasynda jas­tar saıa­saty, kásipkerlik, azamattyq bel­sen­dilik jáne áleýmettik bastamalardy damytý baǵyttarynda semınalar uıym­dastyrylyp, jas kóshbasshylar men kásipker­ler oı-pikirin ortaǵa saldy. Jıynnyń resmı ashylýy barysynda Almaty qalasyna «2025 jylǵy Túrki áleminiń jastar astanasy» mártebesi berildi.

Saltanatty jıyndy ashqan Mádenıet jáne aqparat mınıstri Aıda Balaeva Memleket basshysy Qasym-Jomart Toqaevtyń quttyqtaý hatyn oqyp berdi.

«Almaty – azattyǵymyzdyń altyn besigi, jasampaz jastardyń qutty mekeni. О́rkenıetimizdiń órisin keńeıtýge ólsheýsiz úles qosqan kóptegen uly tulǵalarymyz osy qalada ósip-óngen. Shyn máninde, tól mádenıetimizdiń temirqazyǵyna aınalǵan shejireli shahar qazaq eliniń ǵana emes, túrki memleketteriniń de rýhanı ordasy sanalady. Búgin asqaraly Alataýdyń baýraıynda túbi bir túrki jurtynyń bilimpaz, daryndy ári belsendi jastary bas qosyp otyr. Irgeli is-shara aıasynda jańa dostar taýyp, tyń ıdeıa­lar men jobalardy júzege asyrasyzdar dep senemin. О́renderimizdiń birligi bekem bolsa, túrki áleminiń tuǵyry myǵym, bolashaǵy jarqyn bolary sózsiz. Qazaqstan baýyr­las halyqtardyń ıgi bastamalaryna únemi qoldaý kórsetip keledi. Biz elderimizdiń arasynda jan-jaqty yqpaldastyqty nyǵaıtýǵa aıryqsha mán bere­miz. Astanada Dúnıejúzilik kósh­pendiler oıyndarynyń ótýi, Aqtaýdyń Túrki áleminiń mádenı astanasy jáne Almaty­nyń Túrki jastarynyń astanasy atanýy – sonyń aıqyn dále­li», delingen Memleket basshy­synyń quttyqtaý hatynda.

Is-shara barysynda Almatyǵa resmı túrde «2025 jyly – Túrki áleminiń jastar astanasy» már­tebesi berildi. Bul jastar saıasatyn damy­tý­daǵy qalanyń belsendi rólin aıqyndap, túrki dúnıesi elderi arasyndaǵy ynty­maq­tas­tyq­ty nyǵaıtýdyń jańa kezeńine jol ashty. Buǵan deıin bul mártebe Ázerbaıjannyń Lenkoran qalasyna berilgen edi.

О́z sózinde mınıstr Aıda Balaeva Alma­tynyń mádenıet pen ǵylymnyń, bilim men ın­novasııanyń toǵysqan ortalyǵy ekenin atap ótti. Onyń aıtýynsha, qala búginde túrki áleminiń jas kóshbasshylary men shyǵar­ma­shyl ókilderi úshin jańa ıdeıalar men serik­tes­tiktiń ordasyna aınalyp jatyr.

Saltanatty is-sharaǵa arnaıy qatysqan TMU bas hatshysy Kýbanychbek Omýralıev: «Búgin biz Túrki áleminiń jastar astanasy ataǵyn Lenkoran qalasynan qarqyndy damyp kele jatqan Almaty qalasyna tabystaý sátiniń kýási bolyp otyrmyz. Bul qadam ortaq qundylyqtarymyzdyń sabaqtastyǵyn, sondaı-aq bolashaq Túrki álemin qalyptastyrýdaǵy jas­tardyń ósip kele jatqan rólin aıqyn kórsetedi. О́zderińiz biletindeı, Almaty qala­syna bul mártebe Túrki memleketteri uıy­my­na múshe elderdiń Jastar jáne sport mınıstr­le­riniń 8-otyrysynyń sheshimi negi­zinde berilgen edi. Qalanyń zamanaýı mádenı ómiri, belsendi bilim berý mekemeleri jáne yn­taly jastary – Túrki áleminiń jańa býyny­nyń rýhy men áleýetiniń aıqyn kórinisi», dep atap ótti.

Almaty qalasynyń ákimi Darhan Satybaldy qala jastarynyń lebizimen bóli­sip: «Almaty – túrki elderiniń jastary bas qosatyn, ortaq murattar toǵysatyn, mádenıe­timiz ben dás­tú­rimiz jańǵyratyn úlken ortaǵa aınalyp keledi. Bul mártebe – tek ataq emes, bolashaqqa degen ýáde. Túrki jastarynyń da­ýysy osy Alma­tydan estilip, ıdeıalary bastaý alyp, dos­tyǵy osy shaharda bekisin! Almaty – bizdiń ortaq úıimiz, túrki jas­tarynyń shamshyraǵy, bola­shaqtyń orta­ly­ǵy!» dedi.

Aıta keteıik, halyqaralyq festıval Mádenıet jáne aqparat mınıstrliginiń jáne Almaty qalasy ákimdiginiń qoldaýymen saltanat qurdy.

Abaı alańynda uıymdastyrylǵan is-sharada Almaty turǵyndary men qonaq­ta­ry­na estrada ókilderi men shyǵar­mashylyq ujym­dar­dyń qatysýymen keń kólemdi konsert usy­nyl­dy. Túrki memleketteri uıy­my­na múshe elder – Qazaqstan, Ázerbaıjan, Qyrǵyzstan, Túrkııa jáne О́zbekstannan kelgen delegattar jastar saıasaty, kásipkerlik, azamattyq belsendilik jáne áleýmettik bastamalardy damytý tájirıbelerimen bólisti. Sondaı-aq jas kóshbasshylar men kásipkerlerdiń kezdesýi ótti.

Jyl boıy Almatyda halyqaralyq jas­tar kempıngi, «Digital Turkic Youth» forýmy, «Jaı­darman fest» festıvali jáne ekologııa, mádenıet pen jastar bas­tama­la­ryna arnalǵan basqa da joba uıym­dastyrylady. Bul is-shara­lar túrki dúnıesi jas­tarynyń birligi men shyǵar­ma­shy­ly­ǵy­nyń, jasampazdyǵynyń aıqyn kórinisi bolmaq.

ALMATY