foto: Mereı Qaınaruly
«Jaz mezgilinde órttiń shyǵý sebepteri ártúrli. Mysaly, Samar jáne Ulan aýdandarynda órttiń basym bóligi naızaǵaı saldarynan bolǵan. Al basqa aýdandarda sebep kóbine adam faktory. Iаǵnı, tabıǵat aıasynda demalý, ot jaǵý kezinde qaýipsizdik saqtamaıdy» dedi Merhat Ámirov.
Aýmaqty baqylaý jáne patrýldeý úshin tórt tikushaq jumyldyrylyp, olar 556 saǵat áýede bolǵan. Orman kúzetiniń qaramaǵynda 1 181 qyzmetker, 196 tehnıka, úsh myńnan astam jabdyq jáne alty dron bar. Budan bólek, taǵy 26 pılotsyz ushý qurylǵysyn satyp alý josparlanyp otyr. Sondaı-aq, 29 tonna dızel, 48 tonna benzın qory jasaqtalǵan.
Bıyl 62 shaqyrym jańa mıneraldy jolaq jyrtylyp, uzyndyǵy 540 shaqyrym burynǵy jolaqtarǵa kútim jasaldy. Sońǵy jeti jylda orman sharýashylyqtarynyń materıaldyq-tehnıkalyq bazasyn nyǵaıtýǵa oblystyq bıýdjetten 2,162 mlrd teńge bólingen. Bul qarjyǵa órt sóndirý jáne patrýldik kólikter, traktorlar, shaǵyn órt keshenderi men ózge de jabdyqtar satyp alynǵan.
2025 jyly qosymsha úsh vahtalyq kólik satyp alyndy. Sonymen qatar, «О́nerkásipti damytý qory» AQ arqyly lızıngtik negizde taǵy 110 tehnıka alý josparlanyp otyr. Onyń jalpy quny 3,9 mlrd teńge.
Budan bólek, 129 orman kúzeti qyzmetkeri ShQO TJD janyndaǵy Azamattyq qorǵaý akademııasynda oqytýdan ótti. Aımaqtaǵy orman mekemelerinde táýlik boıy kezekshilik uıymdastyrylǵan.
Shyǵys Qazaqstan oblysy
