foto: ashyq derekkóz
Ulttyq bank ókili Dınara Tazetdınovanyń aıtýynsha, iri bıznestiń bul áreketine memlekettik qoldaý baǵdarlamalarynyń shektelýi jáne nesıeniń joǵary quny negizgi sebep bolǵan. Sonymen qatar, naryqtaǵy damý ınstıtýttary usynatyn jeńil sharttar da banktermen básekege túsip otyr. Bul kezeńde iri kompanııalardyń nesıe ótinimderi 15%-ǵa azaıyp, 200-ge deıin qysqarǵan.
Ulttyq banktiń málimetinshe, bıznes úshin qarjylandyrý quny uzaq merzimdi ınvestısııalyq jobalarda sheshýshi ról atqarady. Keıbir orta bankter jyl basynan beri qor jınaý arqyly iri jobalardy qarjylandyrýdy keńeıtýdi kózdep otyr.
Orta jáne shaǵyn bıznes tarapynan nesıege suranys artty. Bul úrdis «О́rleý» baǵdarlamasy men «Damý» qory arqyly beriletin kepildikterdiń arqasynda iske asqan. Aınalym qarajatyna muqtaj, ásirese saýda men qyzmet kórsetý salasyndaǵy kásipkerler, memlekettik qoldaý sharttarynyń qatańdaýyna baılanysty naryqtyq banktik ónimderge bet burǵan.
Keı bankter «Damý» qorymen birigip, tehnıkalyq derekter almasý arnalaryn jetildirip jatyr. Sonymen qatar, jańa ónimderdi ilgeriletý men marketıngtik áreketter arqyly suranysty qoldaý jumystary júrgizilýde. Sonymen qatar kásipkerlikti qoldaý maqsatynda nesıe ónimderiniń talaptaryn jeńildetýdi kózdep otyr. Buǵan kepil retinde qabyldanatyn múlikke qoıylatyn aýmaqtyq shekteýlerdi azaıtý, qarjylyq taldaýdy ońaılatý jáne nesıe kóleminiń shegin ulǵaıtý sııaqty ózgerister kiredi.
Sonymen qatar, keıbir bankter syıaqy mólsherlemesine áser etpeıtin komıssııalar men marjalarǵa qatysty talaptardy qatańdatqan. Al shaǵyn jáne mıkrobızneske arnalǵan jańa ónimder ázirge testileý kezeńinde.
