Sýretterdi túsirgen – Erlan OMAR, «EQ»
«Kazinform» agenttiginiń 105 jyldyǵyna oraı uıymdastyrylrǵan kórmede ótken ǵasyrdyń 30-jyldarynan búgingi kúnge deıingi el ómirindegi mańyzdy oqıǵalardy túsirgen agenttik tilshileriniń biregeı muraǵattyq jáne eksklıýzıvti fotosýretteri qoıylǵan. Kóptegen fotosýret alǵash ret qalyń oqyrmanǵa usynyldy.
Kórme materıaly alty bólimnen turady: 1928–1959 jyldardaǵy jáne Ekinshi dúnıejúzilik soǵys kezindegi Qazaqstan; 1960–1985 jyldardaǵy iri qurylys jobalary, qalalar men aýdandardyń ekonomıkalyq damýy; Almaty men Astananyń keıingi 40 jyldaǵy shejiresi; áleýmettik-mádenı ózgerister; sondaı-aq memlekettiń daýmyna úles qosqan kórnekti tulǵalar portretteri.
«Kazinform» halyqaralyq aqparat agenttiginiń basqarýshy dırektory Naǵashybek Aldan kórmeniń basty ereksheligine toqtaldy. Onyń aıtýynsha, munda qattalǵan sýretterdiń birazy halyq nazaryna alǵash ret usynylyp otyr. «Keıingi eki jylda Reseı men Qazaqstan muraǵattarynda aýqymdy izdenis jumysy júrgizilip, on myńnan astam foto men qujat jınaldy. Bul – sýretter ǵana emes, elimizdiń keıingi júzjyldyq tarıhynyń aınasy. Kórmede soǵys pen soǵystan keıingi kezeńder, ındýstrııalandyrý jyldary, táýelsizdik dáýiri, Almaty men Astananyń qurylys sátteri, elge eńbegi sińgen adamdardyń buryn-sońdy jarııalanbaǵan sýretteri bar», dedi ol.
