Foto: City Transportation Systems
«City Transportation Systems» kompanııasynyń málimetinshe, 18 jasqa deıingi oqýshylar avtobýsta tegin qatynaý úshin mektep kólik kartasyn valıdasııalaý nemese vırtýaldy tarıfpen - «Avtobys» qosymshasymen QR-kodty skanerleý qajet.
Mektep kólik kartasyn rásimdeý úshin R. Qoshqarbaev dańǵyly, 50/1 mekenjaıyndaǵy Ortalyq kassaǵa júginýge bolady.
Bul qyzmetti onlaın da alýǵa bolady:
Plastıkalyq mektep kólik kartasy (aqyly - 1200 teńge)
• Kartany shyǵarý nemese qaıta shyǵarý ótinimin Transcard.kz saıtynda onlaın berý.
• Kólik kartasy daıyn bolǵan kezde, kezeksiz Ortalyq kassanyń qabyldaý bóliminen alyp ketýge bolady.
Vırtýaldy mektep kólik kartasy (tegin)
• Transcard.kz saıtynda onlaın rásimdeledi.
• Tekserý men moderasııadan keıin «Avtobys» mobıldi qosymshasynda «Standart» mártebesi «Oqýshyǵa» ózgeredi.
• Jolaqy qosymshamen QR-kodty skanerleý arqyly rastalady.
Aıta keteıik, birinshi synyp oqýshylaryna mektep kólik kartasyn rásimdeý tek balanyń derekteri oqýshylar derekqorynda paıda bolǵannan keıin qoljetimdi bolady.
