Eki kún boıy qala turǵyndary men qonaqtary ulttyq dástúr men zamanaýı óner ushtasqan mazmundy baǵdarlamaǵa kýá boldy. Festıval aıasynda otandyq dızaınerlerdiń sán kórsetilimi uıymdastyrylyp, GlobalNomads, Adili, Urpaq syndy brendter óz kolleksııalaryn kópshilik nazaryna usyndy.
Ulttyq kınony dáriptegen ashyq ashpan astyndaǵy «Jaý júrek myń bala» kınokórsetiliminde belgili akterler Altynaı Nógerbek pen Tilektes Meıramov kórermen men ónerdiń arasyn jalǵaǵan rýhanı kópirge aınaldy. Buǵan qosa, sheberlik aımaqtarynda kelýshilerge ulttyq dástúrge negizdelgen shash órý óneri men tabıǵı materıaldardan qolóner buıymdaryn ázirleýdiń qyr-syry úıretildi.
«Nomad fest – dástúr men zamanaýı ónerdi toǵystyratyn jańa mádenı alań. Onyń basty maqsaty – ulttyq qundylyqtardy dáriptep qana qoımaı, jastardyń shyǵarmashylyq áleýetin ashýǵa, olardy óner men mádenıetke baýlýǵa yqpal etý», deıdi uıymdastyrýshylar.
