2008 jyly «Mektepke jol» qazirgi Oqý-aǵartý mınıstrliginiń sheshimimen respýblıkalyq mártebege ıe boldy. Al 2009 jyldan beri qaraı óńirde jyl on eki aı boıy atqarylatyn áleýmettik mánge ıe mańyzdy is-sharanyń birine aınaldy.
«Mektepke jol» aksııasy oblys kóleminde jyl boıy júzege asyrylyp keledi. Al jańa oqý jyly qarsańynda ótetin belsendi qaıyrymdylyq is-sharalary tamyzdyń birinen bastaldy. Biz óńirdegi kásiporyndarǵa, mesenattarǵa, jekelegen qaltaly azamattarǵa atalǵan aksııanyń bastalǵany týraly habar jiberdik. Búginge deıin 665 balaǵa kómek kórsetildi. Jomart jandar balalardyń sport kıimderin, mektep formasyn, aıaqkıim, syrt kıim, sómkesin satyp alyp berip jatyr. Qyrkúıekke deıin shamamen 10 myń oqýshyǵa osyndaı kómek kórsetý josparda bar», deıdi oblystyq bilim berý basqarmasynyń baspasóz hatshysy Anna Lazareva.
Munyń syrtynda, jańa oqý jyly bastalar aldynda muqtaj otbasylarǵa Jappaı oqytý qorynan qarjylaı kómek kórsetiledi. Máselen, óńirde ótken jyly 10 myńnan astam bala atalǵan qordyń kómegin alǵan.
«Sońǵy jyldary balanyń ata-anasynyń shotyna Jappaı oqytý qorynan aqshalaı kómek jiberetin boldyq. Ata-ana osy qarajatqa balasyn kıindirip, mektepke keregin ózi túgendep alady. Mysaly, 2024 jyly muqtaj otbasylarǵa atalǵan qordan 5,8 mlrd teńge bólindi. Bul bizdiń oblystyq bilim basqarmasyna bólinetin jalpy bıýdjettiń 5,2 paıyzyn quraıdy. Byltyr oblys kóleminde 10 756 adamnyń jeke esepshotyna 470 mln teńge tústi. Onyń ishinde ataýly áleýmettik kómek alatyn, kúnkóris deńgeıi tómen, sý tasqyny kezinde qıyn jaǵdaıǵa dýshar bolǵan otbasylar, ata-ana qamqorlyǵynan aırylǵan balalar bar. Bul qarajatqa mektep formasy, kıim, aıaqkıim, keńse taýarlary satyp alyndy», deıdi oblystyq bilim basqarmasy basshysynyń orynbasary Danagúl Súıindikova.
Bıyl Jappaı oqytý qorynan 11 myńǵa jýyq balaǵa 506 mln teńge bólinip otyr. Búginge deıin bul qarajattyń deni ata-analardyń jeke esepshotyna aýdarylǵan. Qandaı da bir kedergi týyndaǵan jaǵdaıda, kómekke muqtaj ata-ana ózi turyp jatqan eldi mekendegi bilim berý mekemesine júgine alady.
«Azamattardyń ótinishi boıynsha jedel áreket etý úshin «21» shuǵyl jelisi iske qosyldy. Biz óńirdegi eriktilerdi, kásipkerlerdi, mesenattardy, mekemelerdi «Mektepke jol» qaıyrymdylyq aksııasyna áli de bolsa belsene atsalysýǵa shaqyramyz. Mundaı kóńil qýantarlyq izgi amaldar búldirshinderdiń bolashaqqa degen senimin arttyratyny shúbásiz. Mektepke kóńili toq, qýanyp barǵan bala sabaqty jaqsy oqıdy», deıdi B.Súıindikova.
«Mektepke jol» aksııasy jańa oqý jylynyń bastapqy kezeńine deıin jalǵasady.
Qostanaı oblysy
