Tarıf baǵasy ósti

Atyraýda 1 tamyzdan bas­tap sý jáne káriz tarıfiniń baǵasy qymbattady. О́ńir ortalyǵyn sýmen qamtamasyz etetin «AtyraýSýArnasy» kommýnaldyq memlekettik kásipornynyń tarıfti ósirý jónindegi usynysy tabıǵı mono­polııalardy retteý jáne básekelestikti qorǵaý depar­tamenti tarapynan qoldaý tapty. Atalǵan departament bas­shysynyń orynbasary Álseıit Sabyrovtyń málim etýinshe, budan bylaı jeke tulǵalar sýdyń bir tekshe metri úshin 101 teńge 33 tıyn tóleıdi. Buryn bul baǵa 68 teńge 28 tıyn edi. Al zańdy tulǵalarǵa bir tekshe metr sýdy paıdalanǵany úshin tarıf quny endi 316 teńge 72 tıyndy quraıtyn boldy. Bul baǵa osy kezge deıin 189 teńge 7 tıyn deńgeıinde saqtalyp kelgen bolatyn. «AtyraýSý Arnasy» bas­shylary tarıfti ósirýge bir­neshe sebepti alǵa tartyp otyr. Birinshiden, kásiporyn shy­ǵyny kóbeıgen bolsa, ekin­shiden, qajetti materıal­dar men hımııalyq reagent­ter baǵalarynyń ósýi áser etken. Úshinshiden, sý tarıfterin qa­lyptastyrýdyń jańa tetik­terin engizýge baılanys­ty keshendi josparly iske qajet­tigi týyndapty. Tórtinshiden, kásiporynnyń ınvestısııalyq baǵdarlamasyn iske asyrý kózdelipti. Sonymen birge, Atyraýda káriz júıesi tarıfi de ósti. Endi atyraýlyq jeke tulǵalar bir tekshe metrge 35 teńgeden, al ózge tutynýshylar 151 teńge 98 tıyn tóleýge májbúr bolady. Bul qyzmetke tólenetin baǵa buryn sáıkesinshe, 31 teńge 39 tıyn jáne 122 teńge 12 tıyn bolǵan edi. Joldasbek ShО́PEǴUL, «Egemen Qazaqstan». ATYRAÝ.