Ata zańymyzdy zaǵıp jandar da oqı alady

Zaǵıp jandar ony ob­lys­tyq kitapha­na­da jáne arna­ıy ki­taphanada oqı alady. Osy­laı­sha, elimizde kó­zi kór­meı­tin jáne nashar kóretin aza­mattardyń óz quqyqtaryn qor­­ǵaýǵa, zań­namalyq saýatyn je­til­dirýge, múmkindikterin kór­­se­týge tamasha múmkin­dik ja­salyp otyr.

S.Toraıǵyrov atyndaǵy oblystyq kitaphanada Kons­tıtýsııanyń 30 jyldyǵyna arnalǵan is-shara ótip, onda Kons­tıtýsııa kitabynyń braıl shrıfimen basylyp shyq­qan jańa nusqasy tanys­tyryldy. Kitap ataý­ly mereı­toıǵa oraı Joǵar­ǵy sottyń tapsyrmasymen ja­ryq kórgen.

«Bizdiń qolymyzda Kons­tıtýsııanyń birneshe nus­qa­sy bar: jalpaq baspa formatynda, Braıl qarpinde jáne fleshkaǵa jazylǵan MP3 ­aýdıo nusqasynda. Kóp­­shi­ligi jumysqa kelgende ne­mese qajet bolǵanda qa­jet­ti baptaryn taýyp alyp oqı­dy. Máselen, 28-bapta aza­mat­tarǵa eń tómengi ja­laqy men áleýmettik tó­lemderdiń memleket tarapynan kepilden­dirileti­ni jazylǵan. Bul barshamyz úshin mańyzdy», dedi tusaýkeserge qatysqan Qazaq zaǵıptar qoǵamy­nyń tóraǵasy Dúısenbi Qabdýlov.

Uıymdastyrýshylar atap ótkendeı, bul ıgi bastama – kózi kórmeıtin jandar­dyń eldiń basty qujatymen erkin tanysyp, azamattyq quqyǵyn tereń uǵynýyna múmkindik beretin tyń qa­dam. Zaǵıp jandar bul kitap arqyly ózderiniń qoǵamdaǵy tolyqqandy múshesi ekenin taǵy bir márte sezinetin bolady.

Pavlodar oblysy