Foto: bangkokbook.ru
QR Ishki ister mınıstrligi qala men aýyl turǵyndary úshin qaýipsiz orta qurýdy basty nazarda ustap otyr. Kún saıyn 14 myńnan astam polısııa qyzmetkeri men Ulttyq ulan sarbazdary qoǵamdyq tártipti saqtaýǵa jumyldyrylǵan. El aýmaǵynda 15 myńnan astam patrýldik baǵyt belgilenip, barlyq qaýipti aımaqtar qamtylǵan. Budan bólek, qylmystyń qaıtalanýyn boldyrmaýǵa baǵyttalǵan is-sharalar júrgizilip jatyr.
Aıta keteıik, bul jumystardyń tıimdiligi baıqala bastaǵan. Jyl basynan beri qoǵamdyq oryndarda, kóshelerde jáne buryn sottalǵandar arasynda quqyq buzýshylyqtar sany azaıǵan. Polısııanyń úılesimdi áreketteri nátıjesinde 10 myńnan astam qylmys áshkerelenip, 10 mıllıonǵa jýyq ákimshilik quqyq buzýshylyqtyń joly kesildi.
«Bizdiń qyzmetimizdiń negizi – «zań men tártip» qaǵıdasy. Aldyn alý jumystarynyń arqasynda qylmys deńgeıi 13%-ǵa tómendep, ótken jylmen salystyrǵanda 9 myńǵa azaıdy. Kisi óltirý, qaraqshylyq, tonaý, buzaqylyq, urlyq jáne mal urlyǵynyń kórsetkishi azaıdy. Buryn sottalǵandar tarapynan jasalǵan quqyq buzýshylyqtar da, qarý qoldanýmen baılanysty qylmystar da kemidi. Qylmystardy ashý kórsetkishi jaqsardy», dedi Ishki ister mınıstri Erjan Sádenov.
