Foto: Ashyq derekkóz
El boıynsha beınebaqylaý júıesi qarqyndy damyp keledi. Qazirgi tańda 19 myńnan astam kamera jasandy ıntellekt múmkindikterimen jabdyqtalǵan. Olar beıneler arqyly bet-álpetti tanýǵa, qaraýsyz qalǵan zattardy anyqtaýǵa, tipti kólik aǵyndaryn taldaýǵa qabiletti. Bul júıelerdiń Jedel basqarý ortalyqtarymen ıntegrasııasy oqıǵa oryn alǵan sátte naqty ýaqyt rejıminde jedel áreket etýge jol ashady.
Sonymen qatar polısııa qyzmetkerleri zamanaýı planshettermen jáne smart-jetondarmen qamtamasyz etilip jatyr. Mundaı jańashyldyqtar olardyń qyzmet tıimdiligin arttyryp, jaǵdaıǵa der kezinde jaýap qaıtarýyna múmkindik beredi.
Sonymen qatar azamattarǵa qolaıly bolý úshin «102» mobıldi qosymshasy iske qosyldy. Budan bólek, eGovMobile jáne ekinshi deńgeıli bankterdiń qosymshalarynda «Zań jáne tártip» qyzmeti paıda boldy. Endi kez kelgen azamat quqyq buzýshylyq týraly aqparatty «bir batyrma» arqyly joldap, qoǵam men quqyq qorǵaý organdary arasyndaǵy baılanysty jeńildete alady.
«Alaıaqtardyń 2,2 mlrd teńgeni alyp qoıýyna tosqaýyl qoıyldy. Sonymen qatar azamattardyń quqyqtyq jáne qarjylyq saýattylyǵy da artyp keledi», dedi Erjan Sádenov.
