Foto: zakon.kz
Ádilet mınıstrligi adam quqyqtary men bostandyqtaryn qorǵaýǵa erekshe nazar aýdaryp otyr. Qazirgi tańda kemsitýshilikke qarsy is-qımylǵa, halyqtyń osal toptaryn qoldaýǵa jáne ádil sot tóreliginiń kepildikterin kúsheıtýge arnalǵan jańa quqyqtyq tetikter ázirlenip, iske qosylyp jatyr. Qazaqstannyń osy baǵyttaǵy bastamalary halyqaralyq deńgeıde oń baǵalanyp, eldiń quqyqtyq memleket retindegi bedelin arttyryp keledi.
Ádilet mınıstri Erlan Sársembaevtyń aıtýynsha, basty maqsat – zańdardyń ádil ári sapaly oryndalýyn qamtamasyz etý.
«Osylaısha, «Zań jáne tártip» tujyrymdamasyn basshylyqqa ala otyryp, atqarýshylyq is júrgizý taraptarynyń árqaısysy sot tóreligin júzege asyrý kezinde boljamdy, zańdy jaǵdaıǵa jáne daýlardy sheshýdiń ózge de tásilderine senimdi bolǵan kezde ádil zańdardyń qabyldanýy ǵana emes, olardyń sapaly oryndalýy da qamtamasyz etiletin bolady», dep atap ótti Erlan Sársembaev.
Buǵan qosa, Ishki ister mınıstrligi men Ádilet mınıstrligi qabyldap jatqan sharalar memlekettiń «Zań jáne tártip» atty birtutas ári tıimdi júıe qurýǵa umtylyp otyrǵanyn kórsetedi. Júıeniń negizin zamanaýı tehnologııalar, jetildirilgen zańnama, qoǵamnyń belsendi qatysýy jáne quqyq buzýshylardyń qatań jaýapkershiligi quraıdy.
Memlekettiń basty mindeti – qazirgi syn-qaterlerge jedel jaýap berýmen qatar, quqyqtyq tártip kúndelikti ómirdiń qalypty normasyna aınalatyn jaǵdaıdy qalyptastyrý. Búginde Qazaqstan azamattardyń memleketke degen senimin nyǵaıtyp, bolashaq damýǵa berik irgetas qalap, osy baǵytta nyq qadam jasap otyr.
