Biraq aldymen tamyz aıy qandaı oqıǵalarǵa toly bolǵanyn jáne Kınopoısk kórermenderi ózderine qandaı fılmderdi tańdaǵanyn eske túsireıik.
Tamyzda qazaqstandyqtar ne kórdi: Kınopoısk tańdaýy
Tamyz aıynda Kınopoısk kórermenderine kóptegen qyzyqty onlaın-premeralardy usyndy: dramalyq oqıǵalar men otbasylyq komedııalar kóptegen kórilim jınady.
«Qaıyn ata – Kúıeý bala» – qarapaıym jıhaz fabrıkasynyń jumysshysy týraly komedııa. Ony bastyǵy asa jaqtyra bermeıdi. Alaıda taǵdyrdyń jazýymen onyń qalyńdyǵy dál osy bastyqtyń qyzy bolyp shyǵady. Jas jigit bolashaq qaıyn atasyna bul týraly aıtýǵa kópke deıin asyqpaı júredi.
«Aral. Umytylmas saıahat» – taǵy bir qazaqstandyq komedııa. Oqıǵanyń bel ortasynda – eki áriptes. Olar qoly taza emes, memlekettik qarjyny asa iri kólemde jymqyrdy dep aıyptalǵan bastyǵyn izdeý úshin Taılandqa ushýǵa májbúr bolady. Aralda olardy umytylmas shytyrman oqıǵalar kútip turdy.
«Balerına» – qarýly shabýyldan keıin jetim qalǵan Eva esimdi qyzdyń tarıhy týraly boevık. Ol qylmystyq otbasynyń qolyna túsip, bir mezgilde jaldamaly kisi óltirýshiler akademııasy bolyp tabylatyn balet mektebi dırektrısasynyń qamqorlyǵyna ótedi. Jaýyngerlik kýrstardy úzdik bitirgen soń, Eva ákesiniń kegin qaıtarý úshin Eýropaǵa attanady. Oqıǵalar «Djon Ýık 3» fılmindegi sıýjetpen parallel órbıdi.
«О́sh/Kek» — aýyldyq jerdiń qyzy týraly trıller. Ol qatygez zorlyqtyń qurbanyna aınalady. Eshkimge senýge bolmaıtynyn túsingen boıjetken taǵdyryn óz qolyna alýǵa bel býady.
«Gáp. Kambodja» – bes otbasylyq jup aı saıyn bir-birinen asyp túsýge tyrysatyn keshki as uıymdastyrady. Birde qojaıyndardyń biri kelesi keshki as Kambodjada ótetinin habarlaıdy. Dál osy sátten bastap qıyndyqtar bastalady.
Kınopremeralar: qyrkúıekte ne kórýge bolady?
Qyrkúıek qazaqstandyq kórermenderdi jańa kınotýyndylarmen qýantady: onda shytyrman oqıǵalar men komedııalardan bastap, mýltfılmder men stend-ap jobalarǵa deıin bar.
«Baıdyń balasy» – erke ósken on úsh jasar Arman sán-saltanatta ómir súrip, qalaǵanynyń bárin alýǵa ábden úırengen. Biraq ata-anasy saparǵa ketkende, ol biraz ýaqytqa ákesiniń kópbalaly dosynyń úıine kóship baryp, shynaıy ómirmen betpe-bet keledi (premerasy – 1 qyrkúıekten bastap).
«Nechja Aıdaharlar patshasyn jeńedi» – tarıhtaǵy eń kassalyq mýltfılm. Sıýjet ortasynda – baqylaýǵa kónbeıtin kúshke ıe Nechja. Ol ata-anasy men dostaryn qutqarý úshin sıqyrly saıahatqa attanady. Sıqyr, adal dostyq pen ustazy oǵan qıyndyqtardy eńserýge jáne mahabbat pen batyldyqtyń bárin jeńetinin dáleldeýge kómektesedi (premerasy – 28 tamyzdan bastap).
«Aına Mýsına: 40 jasta bári áldeqaıda jaqsy» – Aına Mýsınanyń 40-tan keıingi ómirdiń endi bastalatyny týraly stend-ap shoýy. Kúlki, ózińdi taný jáne shabyttaný – bárin de tanymal ázilkeshtiń jeke jobasy qamtyǵan (premerasy – 28 tamyzdan bastap).
«Nazar Audar. Konsert №5. «Jańa baǵdarlama» – turmystyq jaǵdaılar, otbasylyq oqıǵalar, ulttyq boıaý jáne ózekti taqyryptar – bári de “Nazar aýdardyń” fırmalyq stılinde (premerasy – 4 qyrkúıekten bastap).
«Igromanka» – oıynǵa táýeldilikpen kúresip júrgen áıel týraly drama. Onyń aldynda aýyr tańdaý tur: zııandy ádetke berilip ketý me, álde uly ma? Durys sheshim qabyldaýyna erekshe ádisti qoldanatyn psıholog kómektesedi.
«Ottegi/Ottegi» – basty keıipker ólimge ákeletin dıagnozyn bilgennen keıin túrmeden qashyp shyǵady. Ol ómiriniń sońǵy sátterin bostandyqta ótkizgisi keledi.
Sonymen qatar Kınopoıskte túpnusqa serıaldyń jalǵasyn da kórýge bolady – «Barankınder jáne kúsh tastary». Bul – qazirgi zamanǵy taksıst pen onyń balalary týraly jyly otbasylyq hıkaıa. Olar kútpegen jerden 1804 jyldan teleportasııalanyp kelgen Varvaranyń arqasynda ǵajaıyp qabiletterge ıe bolady. Dál osy Varvara – qala tarıhyndaǵy alǵashqy arbashy áıel ári Barankınder áýletiniń bastaýy.
Fýtbol jankúıerlerine: Kınopoısktaǵy sport
4 qyrkúıekte Qazaqstan quramasy óz alańynda Ýelspen, al 7 qyrkúıekte syrt alańda Belgııamen oınaıdy. Bul oıyndar 2026 jylǵy Álem chempıonatyna irikteý aıasynda ótedi – matchtardyń tikeleı translıasııasy Kınopoısk arqyly qoljetimdi bolady.
14 qyrkúıekte saǵat 17:00-de jankúıerlerdi Qazaqstan Premer-lıgasyndaǵy qyzý kezdesý kútip tur – «Qaırat» pen «Aqtóbe» oıyny. Bul oıyn Kınopoısk uıymdastyrǵan «Aptanyń matchy» jobasynyń bir bóligi bolady, al kórermenderdi naǵyz shoý kútedi. Belgili qazaqstandyq ánshi Yenlik Iаndeks Mýzyka qoldaýymen óziniń kópten kútken jańa albomyn tikeleı stadıonda tanystyrady. Matchqa oflaın kele almaıtyn jankúıerler oıynnyń tikeleı translıasııasyn Kınopoısk arqyly kóre alady.
Budan bólek, onlaın-kınoteatr almatylyq «Qaırattyń» eýrokýboktyq matchtaryn kórsetýdi josparlap otyr, naqty keste keıin belgili bolady. Jerebe qorytyndysy boıynsha «Qaırat» óz alańynda «Real», «Brıýgge», «Olımpıakos», «Pafospen» kezdesedi; syrt alańda – «Inter», «Arsenal», «Sportıng», «Kopengagenge» qarsy oınaıdy.
Eýropalyq fýtboldyń jankúıerlerin de qyzyqty sátter kútip tur: 14 qyrkúıekte «Manchester Sıtı» men «Manchester Iýnaıted» oıyny kórsetiledi, 21 qyrkúıekte – «Arsenal» «Manchester Sıtımen» kezdesedi, al 28 qyrkúıekte – «Atletıko Madrıd» pen «Real Madrıd» arasynda match ótedi.
Jaz Iаndeks Mýzykamen birge
О́tip bara jatqan jaz Iаndeks Mýzykasynyń birneshe jobasymen este qaldy: «Jańalyqtar jazy» atty arnaıy bólim mýzykalyq toptamalarmen, Kınopoısk usynymdarymen, Iаndeks Knıgı sórelerimen jáne is-sharalar afıshalarymen tolyqty.
Aqyldy usynymdar júıesiniń arqasynda «Jaz» atty «Meniń tolqynymdy» paıdalanyp, árbir qoldanýshy óziniń talǵamy men tyńdaý tarıhyna negizdelgen mýzykany tamashalaı aldy.
Mýzykalyq servıstegi eń aýqymdy bastama – qazaqstandyq ártister men olardyń shyǵarmashylyǵyn bastaǵan oryndary týraly «О́zimizdikilerin tyńdaıyq» jobasy boldy. Shymkent, Qostanaı, Qyzylorda jáne basqa qalalarda án joldary jazylǵan bannerler paıda boldy, al qosymshada qalalarǵa arnalǵan pleılıstter men suhbattar usynyldy.
Al qyrkúıek aıynda Iаndeks Mýzyka Almaty Park Live aýqymdy festıvalinde óz stendin tanystyrmaq. Mýzykalyq merekege kelgen qonaqtar selfı jasaı alady, sholý alańynan qala kórinisin tamashalaıdy, salqyn lımonad iship, jaıly laýndj-aımaqta demalady.
Bul joly basty hedlaınerler qatarynda Robbie Williams, Marilyn Manson, Alan Walker, sondaı-aq qazaqstandyq ártister – Ayau, V $ X V Prince, De Lacure, Turan Ethno-Folk Ensemble, Edigee óner kórsetedi.
Tyńdalym kóshbasshylary jáne álemdik ártister
Tamyz aıynyń qorytyndysy boıynsha, qazaqstandyqtardyń pikirinshe, Iаndeks Mýzykadaǵy úzdik oryndaýshylar qatarynda V $ X V PRiNCE, Jah Khalib, Sadraddin, Skrıptonıt jáne Qaırat Nurtas bar. Al tanymal sheteldik oryndaýshylardyń ishinde — Sabrina Carpenter, Stray Kids, Offset, Ava Max. Olardyń trekterin «Álemdik jańalyqtar» pleılıstinen tyńdaýǵa bolady.
