«Model naqty derekter negizinde oqytyldy. Bıyldyń ózinde FSM Social qosymshasy arqyly 100 myń otbasynyń turmys jaǵdaıy tekserildi. О́tinish berýshilerdiń kópshiligi óz úıleriniń sýretterin tirkegen, al júıe dál osy sýretter arqyly otbasynyń kómekke qanshalyqty muqtaj ekenin anyqtaýdy úırendi. Qazirdiń ózinde dáldik deńgeıi 90%-dan asty», dedi ol.
Degenmen algorıtm túpkilikti sheshim qabyldamaıdy. Jasandy ıntellekt tek saraptama jasaıdy da, nátıjesin jergilikti komıssııaǵa joldaıdy. Sońǵy sheshim – komıssııanyń quzyrynda.
Vıse-mınıstrdiń aıtýynsha, bul tájirıbe tek áleýmettik kómekpen shektelmeıdi:
«Bolashaqta jasandy ıntellektti medısına salasyna da qoldaný josparda bar. Múgedektik deńgeıi, aýrý tarıhy, dárigerlerdiń qorytyndysy jáne anketalar negizinde anyqtaı alatyn bolady. Mundaı tásil bıýrokratııany azaıtyp, tekserý prosesin jedeldetedi», dep túsindirdi Anafın.
