Sýret: primeminister.kz
Baspasóz jıynynda sóz alǵan Ǵylym jáne joǵary bilim vıse-mınıstri Gúlzat Kóbenova jasandy ıntellekt kýrstary barlyq ýnıversıtette mindetti pánge aınalǵanyn aıtty.
«Prezıdentimiz Qasym-Jomart Toqaevtyń tapsyrmasymen «AI-Sana» baǵdarlamasy osy jyly iske qosyldy. Baǵdarlama stýdentterdiń bilimdi qoǵam men bolashaq ekonomıkasy úshin qundy jobalarǵa aınaldyra alýyna jaǵdaı jasaıdy. Árbir stýdent óz mamandyǵynda jasandy ıntellektini qoldanýdy meńgerip, bolashaqta jańa tehnologııalar jasap nemese startaptar asha alady. Baǵdarlama bazalyq oqytý, tereńdetilgen daıyndyq, jobalar ázirleý, akselerasıa sekildi birneshe kezeńnen turady. Búginde jasandy ıntellekt kýrstary barlyq ýnıversıtette mindetti pánge aınaldy. 93 joǵary oqý orny óz baǵdarlamalaryn beıimdedi, al 20 ýnıversıtet 25 jańa bilim baǵdarlamasyn ashty. Bul qadamdar otandyq bilim júıesin nyǵaıtyp, úzdik halyqaralyq tájirıbelerdi engizýge, sheteldik stýdentterdi kóbeıtýge múmkindik beredi», dedi spıker.
G.Kóbenovanyń aıtýynsha, jaz aılarynda joǵary oqý oryndarynyń 58 nysany kúrdeli jóndeýden, 560-tan astam nysan aǵymdaǵy jóndeýden ótkizildi. Sonymen qatar oqý ǵımarattary men jataqhanalarda beınebaqylaý júıeleri, týrnıketter, dabyl túımeleri, órtke qarsy quraldar ornalastyrylǵan. 80-nen astam ýnıversıtettiń nysandarynda terrorıstik qaýipsizdik pasporttary bekitilgen, sondaı-aq lısenzııasy bar kúzet agenttikterimen kelisim jasalǵan. Jalpy, joǵary oqý oryndary jańa oqý jylyn bastaýǵa daıyn.
Osydan soń Joǵary jáne joǵary oqý ornynan keıingi bilim komıteti tóraǵasynyń mindetin atqarýshy Aqerke Abylaıhan joǵary bilim salasynda eń ózekti máselelerdiń biri sanalatyn jataqhanamen qamtý jaǵdaıyn baıandady.
«Oqý jyly bastalardaǵy mańyzdy máselelerdiń biri – jataqhanamen qamtamasyz etý. О́tken oqý jylynda jataqhanaǵa degen tapshylyq Astana, Almaty qalalarynda ǵana baıqaldy. Bıyl Almaty qalasynyń joǵary oqý oryndarynan basqa óńirlerde jataqhanaǵa degen tapshylyq joq. 2025 jylǵa 10 276 oryndyq 29 jataqhanany iske qosý josparlanǵan. Qazirgi tańda 3 180 oryndyq 4 jataqhana paıdalanýǵa berildi. Jaqyn arada 4 877 oryndyq 18 jataqhananyń óz turǵyndaryna esik ashýyn kútip otyrmyz. Odan basqa, jyldyń sońyna deıin 2 219 oryndyq 7 jataqhana iske qosylady. Mınıstrlik jyldaǵydaı bıyl da ahýal, daǵdarys ortalyqtaryn uıymdastyrdy. Ahýal ortalyǵy stýdentterdi jataqhanalardaǵy oryndar týraly habardar etedi, daǵdarys ortalyqtary fors-major jaǵdaılarynda turǵyn orynmen qamtamasyz etedi. Respýblıkalyq ahýal ortalyǵynda stýdentter men olardyń ata-analaryna jataqhanalar, JOO qabyldaý týraly aqparatty berý úshin 10 adam qyzmet kórsetti. Al daǵdarys ortalyǵynda 55 oryndyq jataqhana rezervte tur. Sondaı-aq barlyq joǵary oqý ornynda kómekke muqtaj stýdentterdi qoldaý úshin ahýal ortalyqtary, joba keńseleri jumys isteıdi», dedi spıker.
A.Abylaıhannyń aıtýynsha, stýdentterdi qoǵamǵa áleýmettendirý boıynsha keshendi jumys júrgizilip jatyr. JOO-larda búginde 200-ge jýyq psıholog maman jumys isteıtin psıhologııalyq qyzmet qurylǵan. Jastardyń adaldyq qasıetterin damytýmen aınalysatyn 51 komplaens-ofıser daıarlanyp shyqty. Qazirgi tańda JOO bilim alýshylary arasynda Abaıdyń «Tolyq adam» ilimi negizgi 3 baǵyt boıynsha júzege asyrylyp otyr, bul – «ystyq qaırat – nurly aqyl – jyly júrek». Memleket basshysynyń «Ádiletti Qazaqstan – Adal azamat» qaǵıdattaryn usynýy osy Abaı ıdeologııasyn ilgeriletýdiń bir bastamasy boldy.
