Bıyl «Keleshek mektepteri» ulttyq jobasy aıasynda Jezqazǵan qalasynyń Qabanbaı shaǵyn aýdanynda 300 oryndyq jańa №12 jalpy bilim beretin mektep paıdalanýǵa berildi.
Zamanaýı úlgide salynǵan bilim ordasynda jas urpaqtyń sapaly bilim alýyna barlyq jaǵdaı jasalǵan.
Keń, jaryq mektepte ustazdar ujymy jas urpaqtyń daryny men qabiletin ashýǵa baǵyttalǵan zamanaýı ádistemelerdi qoldanady. Innovasııalyq oqý ortasy sıfrlyq quraldarmen, zerthanalarmen, robototehnıka men pándik kabınettermen jabdyqtalǵan. Ár bala túrli úıirmelerge qatysyp, shyǵarmashylyq turǵyda damýǵa múmkindik alady. Sonymen qatar, mektepte kitaphana, akt zaly, ashana, sport zaldary, demalys aımaqtary, oıyn alańdary men shyǵarmashylyq stýdııalar bar.
Eń tıimdisi – ata-anamen seriktestik ornatylyp, ashyq qarym-qatynas pen ár balanyń jeke damýyna baǵyttalǵan birlesken jumys júrgiziledi.
Oqý jyly qarsańynda óńirdegi jeti mektep kúrdeli jóndeýden ótti. Bul jumystar oqý oryndarynyń materıaldyq-tehnıkalyq bazasyn nyǵaıtyp, balalardyń jaıly ári zamanaýı ortada bilim alýyna jaǵdaı jasady.
2027 jylǵa deıin renovasııa baǵdarlamasy aıasynda oblystyń jalpy 18 bilim oshaǵy kezeń-kezeńimen jańǵyrtýdan ótedi.
Ulytaý oblysy
