Sondaı-aq, óndiriske birqatar jańa tehnologııalar engizilip, kásipshilik ishindegi 300 shaqyrym qubyr jańǵyrtyldy jáne avtoparkti jańartýda jaqsy jumystar iske asty, kóliktik basqarmalardaǵy tehnıkalardy avtobólshekpen qamtýdyń tıimdi ádisi iske qosyldy, óndiristi avtomattandyrý salasynda biraz tabystar bar.
2009 jyly qabyldanǵan, «О́zenmunaıgaz» munaıshylarynyń áleýmettik-turmystyq jaǵdaıyn jaqsartý baǵdarlamasy aıasynda kásiporyn quzyrynda qurylystar qarqyn aldy. Munaıshylar tamaqtanatyn jańa ashanalar salynyp, qazir munaıshylardyń ashanalary 100 paıyzǵa jańardy. Skvajınalardy jerasty jóndeý brıgadalarynyń qyzmetkerleri úshin termostyq júıede tamaqtandyrý jolǵa qoıylyp, munaıshylardy as-aýqatpen qamtý máselesi tolyǵymen sheshildi. Baǵdarlama boıynsha toptyq qondyrǵy, sorǵylar stansasy qyzmetkerleri úshin jańa mádenı úıshikter, operatorlyq bloktar boı kótere bastady.
Bul nysandarda jumyskerlerdiń kıim aýystyrýyna, jýynyp-shaıynýyna, azdap tynyǵýyna tolyq jaǵdaı jasalǵan. Bul baǵyttaǵy jumys 85 paıyzǵa eńserildi dep aıtýǵa bolady. Kompanııaǵa qarasty Munaı daıyndaý jáne óndiriske qyzmet kórsetý basqarmasy, №3 Skvajınalarǵa qyzmet kórsetý basqarmasy, Hımııalandyrý jáne ekologııa basqarmalarynda ákimshilik-turmystyq keshender, №3 Munaı- gaz óndirý basqarmasynyń jańa ákimshilik ǵımaraty iske qosyldy. Qyzylsaı aýyly munaıshylarynyń jumysqa qatynaýy úshin 50 oryndyq jańa avtostansa salynyp, qalanyń óndiristik aımaǵynan 1250 oryndyq jańa avtobeket paıdalanýǵa berildi. Jyl saıyn Jańaózen qalasyna 750 mıllıon, Qaraqııa aýdanyna 150 mıllıon teńge kóleminde qarjylaı qoldaý kórsetetin mekeme asfalt jol salý, abattandyrý, áleýmettik nysandar salyp berý baǵytyndaǵy jumystardy jalǵastyryp keledi.
Munaı baǵasynyń túsýi saldarynan bolýy múmkin jaǵdaılardy eseptep, qıyndyqtan shyǵý joldaryn qarastyrǵan, jumys oryndary men jalaqy kólemin qysqartpaýǵa tyrysqan «О́zenmunaıgaz» AQ óz ishterinde jasalyp jatqan jumystardyń bastaýyn eldegi tynyshtyqtyń, bir bolashaq úshin jumylǵan aýyzbirliktiń nátıjesi dep biledi. «О́zenmunaıgaz» AQ ujymy sáýir aıynda ótetin el Prezıdenti saılaýyna qatysty bas qosty. «О́zenmunaıgaz» AQ bas dırektory M.Ibaǵarov óziniń sózinde bylaı dedi: – Qazaqstan Prezıdentiniń kezekten tys saılaýyn ótkizý – patrıottyq akt. Sol sebepti, eldiń taǵdyryna beıjaı qaramaıtyn árbir azamat ózi tańdaǵan kandıdatqa daýys berip, mańyzdy saıası sharadan shet qalmaýy tıis. Biz, munaıshylar, Jańaózendegi jalǵyz qalaquraýshy alyp kásiporyn retinde ózgelerge úlgi bolyp, saılaýǵa belsendi qatysýymyz kerek dep esepteımin. Arnaıy úndeý qabyldaǵan ujym qazaqstandyqtardy prezıdenttik saılaýǵa bir kisideı atsalysýǵa shaqyrdy.
Gúlaıym ShYNTEMIRQYZY, «Egemen Qazaqstan». Mańǵystaý oblysy.
