NAZARBAEV INTELLEKTÝALDY MEKTEPTERI

Elbasymyzdyń tikeleı qol­daýy­men qurylǵan, Tuńǵysh Pre­zı­d­enttiń ıntellektýaldy mektep­teri qazirgi tańda táýelsiz elimizdiń aıqyn jetistikteriniń biri retinde tabysty jumys atqarýda. Jaqynda elordadaǵy Jańa ýnıversıtettiń ashylý rásiminde Memleket basshysy Nursultan Nazarbaev bul ıntellektýaldy mektepterde oqyp jatqan júzden júırik túlekter atal­mysh bilim orda­synyń stý­dentteri atalaty­nyn atap ótken edi. Intellektýaldy mektepterdiń al­dyn­da turǵan maqsat – tereń bilimniń, kási­bı daǵdylardyń ne­gizin­de erkin baǵdar­laı bilýge, ózin-ózi damy­týǵa, adamger­shilik turǵysynan jaýap­ty she­shimderdi qabyl­daý­ǵa qabiletti, Ota­nyn, elin, jerin súıetin, ata-anasyn qadirleıtin, aqparatty tehnolo­gııa­­ny tereń meń­gergen, jyldam ózgerip jata­tyn búgingi zamanǵa laıyqty, jańa­shyl tulǵany qalyp­tastyrý. Atalǵan talap­tarǵa saı bilim men tár­bıeni berý úshin búginde mek­tep­ter úzdiksiz izdenis ústinde. Qazirgi kezde jaraty­lys­taný, matematıka baǵyttary boıyn­sha, grafıka, statıstıka sııaqty pro­fıldi pánderdi tereńdetip oqytý­ǵa arnalǵan oqý baǵdarlamalaryn ázirleý jumystary júrgizilip jatyr. Aldymen, árıne, jaǵdaı jan-jaqty zerttelip, otandyq bi­lim standarttarymen qatar, álem­ge tanymal tájirıbeler men oqý baǵdarlamalary qaraldy. Jańasha baǵdarlama matematıka, hımııa, fızıka, bıologııa pánderin tereń­dete oqytýǵa jáne nano, bıoteh­no­lo­gııany keńinen bilýine múm­kindik beredi. Jańa zamannyń talabyna qa­raı, balanyń qajettiligi de es­ke­rilýde. Eń bastysy, mektep qa­byr­­ǵasynan shyqqan bala úsh til­­di biletin, aqparattyq tehnolo­gııa­lardy tolyq meńgergen, básekege qabiletti, álemdegi kez kelgen oqý ornynyń stýdenti bolýǵa laıyqty bolý kerek. Qazir mektepterde oqýshylar­dyń óz bilimderin jetildirip, shyń­daýǵa jan-jaqty jaǵdaı jasal­ǵan. Sonymen qatar, fızı­ka, matematıka, hımııa, bıologııa kabınetteriniń jabdyqtalý máse­lesinde árdaıym izdenis jolyn­damyz dep aıtýǵa bolady. Aq­pa­rat­­tyq tehnologııalardy tolyq­qan­dy meńgerýmen qatar, oqý­shy­lardyń shyǵarmashylyq qabilet­terin, logıkalyq oılaýdy damytý­ǵa kóp kóńil bólingen. Jańa zamannyń talabyna saı jabdyqtalǵan bilim ordalarynda qazirgi tańda eki myńnan astam balǵyn bilim alýda. Oqý jyly ja­ǵym­dy jańalyq ákelip, О́skemen jáne Taldyqorǵan qalalarynda eki mektep iske qosylady dep kútilýde. Aldaǵy ýaqytta mektep­ter barlyq oblys or­talyq­taryn­da ashylmaq. Intellektýaldy mektepterde bıylǵy oqý jyly aýqymdy is-shara­lar júzege asyrylyp, jetis­tik­terge jetýde. Mektep oqýshy­lary Máskeý qalasynda ótken halyq­aralyq “Matematıka jáne jobalaý” ǵylymı jo­ba­lar kon­kýrsyn­­da, Pragada ótken Halyq­­aralyq ǵyly­mı olımpıada, Asta­nada uıymdastyryl­ǵan “Ǵylym álemin ashamyz” atty halyqara­lyq konkýrs, matematıka páni bo­ıynsha Sankt-Peterbýrg ýnıver­sı­teti uıym­dastyrǵan In­ter­net-olım­pıada jáne respýblı­kalyq, oblys­tyq olımpıadalarǵa qaty­syp, júldeger atandy. Intellektýaldy mektepte de kadr máselesine asa mán beriledi. Jalpy, mamandardy irikteý keze­ńinde baıqaǵanymyz, muǵalim­der birshama talaptarǵa saı kelmeıdi. Atap aıtqanda, jańa metodıka men aqparatty tehnolo­gııalardy jetik meńgergen, kóptildi maman­dardyń tapshylyǵy aıqyn kórindi. Bul baǵytta mektep muǵalimderiniń kásibı deńgeıin joǵarylatýmen birge, arnaıy baǵ­dar­lama boıynsha kadr daıyndaý­da maqsatty jumys atqarylýda. Mysaly, Astananyń Nazarbaev ýnıversıtetimen birlesken joba aıasynda pedagogıkalyq joǵary oqý oryndary túlekteriniń úzdik­terine ýnıversıtette magıstratýra kýrsyn oqýǵa múmkindik berildi. Qazirgi zamanǵa saı, básekege qabiletti maman eńbek naryǵynda biliktiligine qaraı baǵalanady. Mektep muǵaliminiń jalaqysy kási­bı deńgeıine tikeleı baı­lanysty. Jalaqyny damýshy jáne yntalandyrýshy kúsh retin­de paıdalanýy naryqty ekono­mıkaǵa tán, qalypty jaǵdaı. Muǵalimniń kásibı deńgeıimen qatar, mektepke úmitker oqýshy­nyń da deńgeıge saı kelýi úlken másele. Bastysy, eki jaqtyń da jan-jaqty damýyna oń yqpal etetin qolaıly bilim júıesi men bilim ortasyn qurý jolynda eńbek etýdemiz. Jaqynda ǵana Ulybrı­tanııa­daǵy birden bir jetekshi oqý ornyna University College London (USL) óz bilimderin jetildirýge on bes aǵylshyn páni muǵalimin jiberdik. Ulybrıtanııa elinde ustazdar bir aı bolady. Al jyl boıy jaqsy jetistikke ıe bolǵan jıyrma oqý­shyny tamyz aıynda Tumandy albıon elindegi Koroldik ýnıver­sıtetine jazǵy zerthanalyq jumys­tarǵa jiberýdi josparlap otyrmyz. Búginde “Nazarbaev Intellek­týal­dy mektepteri” AQ bilim sala­syndaǵy otandyq jáne álemdik uıymdarmen tyǵyz baılanys or­na­týda. Olardyń qatarynda Kembrıdj ýnıversıtetiniń halyq­aralyq ekzamen keńesi (Cambridge International), London ýnıver­sı­tetiniń kolledji, (University College London (USL), Temasek Politechnic ýnıversıteti (Sın­gapýr), Lomonosov atyndaǵy Más­keý memlekettik ýnıversıteti, Ko­ro­leva ınstıtýty Royal Institution of Great Britain, Brıtan Keńesi, Astanadaǵy Nazarbaev ýnıver­sıteti, taǵy basqa da oqý oryn­dary bar. Bilim – adam balasy­nyń ortaq qazynasy. Sol ortaq qazynany saqtap, odan ári damy­tý, jetildirý ózimizdiń qolymyzda. Kúlásh ShÁMShIDINOVA, “Nazarbaev ıntellek­týaldy mektepteri” AQ basqarma tóraıymy.