ASTANA. 3 shilde. «Egemen Qazaqstan» gazetiniń redaksııasynda «Prezıdent» atty jınaqtyń tusaýkeser rásimi ótti. Bul týraly egemen.kz habarlady.
Rásimdi «Egemen Qazaqstan» respýblıkalyq gazeti» aksıonerlik qoǵamynyń prezıdenti Saýytbek Abdrahmanov qysqasha sóz sóılep ashty. Ol óz sózinde atalmysh jınaqtyń budan 5 jyl buryn jaryqqa shyqqan «Elbasy» degen kitaptyń jalǵasy ispettes ekenin aıtty. Redaksııa buǵan deıin taǵy «Táýelsizdik», «Saltanat», «Astana» jáne «Dintutqa» sekildi jınaqtar daıyndaǵan bolatyn. Jalpy, bul jylda osy mezgilde shyǵyp kele jatqan serııanyń altynshy kitaby bolyp tabylady.
Basqosýdaǵy birinshi sózdi atalmysh jınaqtyń jaryqqa shyǵýyna demeýshilik kórsetken mekeme - «Samuryq-Qazyna» ulttyq ál-aýqat qory aksıonerlik qoǵamynyń basqarýshy dırektory Darhan Qaletaev aldy. Ol kompanııanyń mundaı ıgilikti sharanyń dúnıege kelýine úles qosqanyn maqtan tutatynyn aıta kelip, bizdiń elimizdiń turǵyndary úshin bul taqyryptaǵy kitaptardyń ákeletin paıdasy ushan-teńiz ekenine nazar aýdardy. Ol sózin: «Men oılaımyn bul kitap Prezıdenttiń 5 jyldaǵy ómiri ǵana emes, 5 jyl ishindegi qazaqstandyqtardyń ómiri engizildi. Memleket basshysynyń «Egemen Qazaqstan» gazetine bergen suhbattary arqyly, qazaqstandyqtardyń áleýmettik ahýalyn boıamasyz baıandady», – dep túıindedi.
Sharada budan basqa, aqyn Nurqoja Oraz, Parlament Senatynyń depýtaty, Qazaqstan Jazýshylar odaǵynyń birinshi hatshysy Nurlan Orazalın, Parlament Senatynyń depýtattary Jabal Erǵalıev, Álı Bektaev jáne Murat Muhamedov, Parlament Májilisiniń depýtaty Aldan Smaıyl, mesenat Beket Turǵaraev tusaýy kesilip otyrǵan kitap jaıly pikirlerin ortaǵa saldy.
Talǵat Raıymbek.
Derek: egemen.kz.
Sýret: Erlan Omarov.
