Biraýyzdan maquldandy

«Kentaý transformator zaýyty» AQ – elimizdegi asa qýatty, básekege qabiletti ónim shyǵaratyn iri kásiporyndardyń biregeıi. О́tken jyly zaýyt 63 kVt elektr qondyrǵysyn iske qosty. О́nimderiniń 50 paıyzyn eksportqa shyǵaratyn kásiporyn óziniń tehnologııalaryn álemdik standartqa sáıkestendirse, transformatorlary shetelderde joǵary baǵa ıelenýde. «KTZ» ujymy Qazaqstan Respýblıkasynyń kezekten tys prezıdenttik saılaýyn ótkizý jóninde jıyn ótkizdi. «Memlekettik saıasattyń arqasynda kóptegen óndiris oryndary qaıtadan jańǵyrtylyp, zaman talabyna saı jumysyn bastap otyr, – dedi zaýyttyń №5 sehynda ótken jıynda «Kentaý transformator zaýyty» AQ basqarýshy dırektory Qaırýlla Qojabaev. –Bizdiń kásiporyn da qaıta jańarý jolynan ótti. 2013 jyly 13 mlrd. 160 mln. teńgeniń ónimi óndirilse, 2014 jyldyń sáıkes kezeńinde bul kórsetkish 16 mıllıard teńgege ulǵaıdy. О́tken jyly zaýyt janynan Údemeli ındýstrııalyq-ınnovasııalyq damý baǵdarlamasy aıasynda «Monoeloteh» JShS iske qosylyp, qala turǵyndary turaqty jumyspen qamtyldy. Búginde kásiporyn tek Qazaqstandaǵy ǵana emes, Ortalyq Azııadaǵy mashına jasaýdyń kóshbasshysy bolyp otyr. Bul baǵytta atqarylyp jatqan jumystarǵa árbir jumysshynyń qosqan úlesi mol». Sodan soń kásiporynnyń óndiris jónindegi dırektory Á.Shamshıev, Kentaý polıtehnıkalyq kolledji dırektorynyń orynbasary T.Andabaev sóz alyp, ústimizdegi jyldyń 26 sáýirine belgilengen kezekten tys prezıdenttik saılaýǵa tek ujym múshelerin ǵana emes, barsha qazaqstandyqtardy bir kisideı jumyla qatysýǵa shaqyrdy. Ujym jıynynyń qorytyndysy boıynsha saılaý kúni belsendilik tanytylýy kerektigi týraly úndeý qabyldanyp, ol biraýyzdan maquldandy. Baqtııar TAIJAN, «Egemen Qazaqstan». Ońtústik Qazaqstan oblysy.