Foto: .bbc.com
WLFI ataýyn alǵan krıptovalıýta dúısenbi kúni saýda alańyna shyqqannan keıin bir tokenniń baǵasy shamamen 40 sentke deıin kóterilgen. Alaıda seısenbi kúni tańerteń, jergilikti ýaqyt boıynsha, quny 48 paıyzǵa tómendep, 21 sentke deıin túsken. Kúnniń ekinshi jartysynda baǵasy birshama qalpyna kelip, 23 sent shamasynda turaqtaǵan.
Baǵanyń quldyraýyna qaramastan, Tramp áýletiniń úlesi 5 mıllıard dollar kóleminde baǵalanyp otyr. Sebebi olardyń ıeliginde 22,5 mıllıard WLFI tokeni bar.
World Liberty Financial málimetinshe, Donald Tramp pen onyń otbasy ázirge óz aktıvterin sata almaıdy, sebebi negizin qalaýshylarǵa tıesili tokender ýaqytsha buǵattalǵan.
Kompanııanyń túsindirýinshe, WLFI – bul tek qarjylyq aktıv qana emes, sonymen qatar onyń ıelerine World Liberty Financial qyzmetin basqarýǵa baılanysty máselelerde daýys berý quqyǵyn beretin arnaıy token.
Aıta keteıik, Donald Tramp prezıdenttik ekinshi merzimi kezinde sıfrlyq aktıvterdi qoldaıtynyn málimdep, AQSh-ty «álemniń krıptoastanasyna» aınaldyratynyn ýáde etken bolatyn.
