foto: Ashyq derekkóz
Tergeý derekterine sáıkes, kúdikti jábirlenýshilerge ártúrli elderge uzaq jáne qysqa merzimdi vıza jasap berýge ýáde bergen. Qylmystyq jaýaptylyqtan jaltarý maqsatynda ol 60-tan astam jábirlenýshimen jalǵan nesıelik kelisimder jasap, óz áreketterin azamattyq-quqyqtyq qatynas retinde kórsetýge tyrysqan.
«Keltirilgen shyǵyn 330 mln teńgeden astam.Kúdikti ustaldy, onyń áreketi QK-niń 190-baby 4-bóliginiń 2-tarmaǵy boıynsha saralanyp, sottyń sanksııasymen kúzetpen ustaý túrindegi bultartpaý sharasy qoldanyldy», dep habarlady Astana qalasy prokýratýrasynyń baspasóz qyzmeti.
Qazirgi tańda barlyq jábirlenýshiler anyqtalyp, sotqa deıingi tergeý amaldary júrgizilip jatyr.
Qala prokýratýrasy alaıaqtyq jasaǵany úshin 10 jylǵa deıin bas bostandyǵynan aıyrý jazasy qarastyrylǵanyn jáne kináli adamnyń múlki tárkilenetinin eske salady.
