Foto: Ashyq derekkóz
Onyń sózinshe, qazirgi ýaqytta uıymdastyrý máseleleri boıynsha «Qaırat» fýtbol klýbymen tikeleı kelissózder júrgizilip jatyr. Bıletterdi taratý quqyǵy tolyqtaı klýbtyń qaramaǵynda.
«Búgingi tańda bizde satylym matchtan 10 kún buryn bastalady degen aqparat bar. Iаǵnı, eger oıyn 30-da ótetin bolsa, onda bıletter 20 qyrkúıekte satyla bastaıdy», dedi vıse-mınıstr.
Sondaı-aq Serik Jarasbaev bıletter tek «Qaırattyń» resmı saıtynda jáne klýbtyń áleýmettik jelidegi resmı paraqshalarynda ǵana satylatynyn atap ótti.
«Osy múmkindikti paıdalana otyryp, barlyq azamatty tekserilmegen derekkózderge senbeýge shaqyramyn. Bıletterdi satýdyń resmı kózi tek «Qaırat» klýbynyń saıty nemese onyń áleýmettik jelilerdegi resmı akkaýnttary bolady», dedi vıse-mınıstr.
Sonymen birge vıse-mınıstr bıletterdiń quny ázirge belgisiz ekenin aıtty. Baǵa suranys deńgeıine baılanysty klýb tarapynan anyqtalady.
Aıta keteıik, «Qaırat» – «Real Madrıd» arasyndaǵy kezdesý 30 qyrkúıekte Almatydaǵy Ortalyq stadıonda ótedi.
