Kórme – fılosofııa, óner jáne dástúrli japon qolóneriniń túıisken tusy. Aleks Sorbon týyndylarynda Arare men Makı-e sekildi kóne zergerlik tehnıkalardy qoldana otyryp, zamanaýı tásildermen úndestik tabady. Bul – kóneni qurmettep, jańany tanyǵan sýretkerdiń shyǵarmashylyq máneri.
Aleks Sorbon – halyqaralyq deńgeıde moıyndalǵan avtor. Onyń týyndylary Tretıakov galereıasy sııaqty jetekshi art-alańdarda usynylǵan. 2017 jyly Máskeý halyqaralyq óner kórmesiniń jeńimpazy atanǵan sheber búgingi tańda kóne sheberlik pen zamanaýı beıneleý tásilin ushtastyryp, jańa estetıkalyq keńistik qalyptastyryp júr.
Kórmeniń ashylý saltanatynda mýzeı dırektorynyń mýzeılik menedjment jáne marketıng jónindegi orynbasary Araıly Balaeva avtordy ujym atynan quttyqtap, Sorbon eńbekterin «mádenıetter arasyndaǵy jarqyn dıalogtyń aıǵaǵy» retinde atap ótti.
Jıyn barysynda qoǵam, mádenıet jáne óner qaıratkerleri de jyly lebizderin bildirip, kórmeniń ıdeıalyq qýatyna joǵary baǵa berdi.
Kórmege sýretshiniń tańdaýly 50-ge jýyq týyndysy qoıylǵan. Ol 2025 jylǵy 24 qyrkúıekke deıin jalǵasady.
