Foto: Ashyq derekkóz
Tergeý derekterine qaraǵanda, 2019–2022 jyldary kúdikti sybaılastarymen birge óńirdegi iri azyq-túlik bazarlarynyń birinde saýda oryndaryn satamyn degen jeleýmen azamattardy aldap, 11 kásipkerden jalpy 126 mıllıon teńge alyp ketken.
«Qylmystardy jasaǵannan keıin kúdikti quqyq qorǵaý organdarynan jasyrynyp, halyqaralyq izdeýge jarııalanǵan. Qazaqstan men Qyrǵyzstannyń quzyretti organdarynyń ózara tıimdi is-qımylynyń nátıjesinde bıylǵy tamyz aıynda ol Bishkek qalasynda ustaldy. Qazaqstan Respýblıkasy Bas prokýratýrasynyń resmı suraýy negizinde ol qylmystyq jaýaptylyqqa tartý úshin belgilengen tártippen eline ekstradısııalandy», delingen habarlamada.
Qazir ol tergeý ızolıatorynda otyr. Zańǵa sáıkes, onyń múlki tárkilenip, 5 jyldan 10 jylǵa deıin bas bostandyǵynan aıyrylýy múmkin.
Bas prokýratýranyń málimetinshe, azamattardyń quqyqtaryn qorǵaý maqsatynda sottan jáne tergeýden boı tasalaǵandardy izdeý men ekstradısııalaý sharalary júıeli túrde júrgizilip jatyr.
