Jer resýrstaryn basqarý komıtetiniń málimetine qaraǵanda, mundaı tekserý júrgizýge 30 mamyrda Qulsary qalasynda gaz quıý stansyndaǵy jarylys sebep bolǵan. Jarylystan 14 adam zardap shegip, eki adam qaza tapqan edi. Úsh ǵımarat, gaz quıý stansasy búlindi.
«Atyraý oblystyq jer resýrstaryn basqarý departamentiniń mamandary avtogaz quıý stansalary ornalasqan jer telimderin paıdalaný zańdylyǵyna jospardan tys tekserýlerdi bastady. Tekserý kezinde jer telimderin maqsatsyz paıdalaný faktileri anyqtaldy. Jer kodeksiniń 65-babyna sáıkes, jer telimderi nysanaly maqsatyna jáne shart talaptaryna saı paıdalanylýy tıis. Tekserý nátıjesinde 8 ákimshilik is qozǵaldy. Zań buzýshylyqqa jol bergen gaz quıý stansalarynyń ıelerine aıyppul salyndy. Anyqtalǵan zań buzýshylyqtardy joıý týraly mindetti nusqamalar berildi», dep habarlady atalǵan komıtetten.
