Naqtyraq aıtsaq, Memleket basshysy Q.Toqaevtyń bilim salasyndaǵy bastamalaryn júzege asyrý sheńberinde Mańǵystaý oblysynda «Keleshek mektepteri» jobasy aıasynda 12 600 oryndyq 13 mektep salý josparlanǵan bolsa, qazirgi tańda 9 mektep salyndy.
Qyrkúıektiń 5-i kúni Munaıly aýdanyndaǵy Batyr aýyly Hazar shaǵyn aýdanynda atalǵan joba aıasynda salynǵan №19 orta mektepte ashyq esik kúni ótti. Syıymdylyǵy 1 200 oqýshyǵa arnalǵan ásem mektep tabaldyryǵyn bıyl alǵash ret 155 birinshi synyp oqýshysy attady. Oqý orny óz jumysyn 12 zertteýshi, 21 sarapshy, 57 moderator jáne 4 jas mamanmen bastap otyr.
Mektepte barlyǵy 61 pán kabıneti bar. Onyń ishinde robottehnıka, STEM, dızaın jáne tehnologııa, vızýaldy óner, mýzyka, úı mádenıeti men tamaqtaný mádenıetine arnalǵan kabınetter bar. Barlyq synyp zamanaýı jabdyqtarmen qamtylyp, sondaı-aq erekshe bilimdi qajet etetin balalar úshin sensorlyq bólme, ınklıýzıvti bilimdi qoldaý kabıneti, sondaı-aq múgedektigi bar oqýshylarǵa arnalǵan jedel saty qarastyrylǵan. Mektep qaýipsizdigin qamtamasyz etý maqsatynda ǵımarat ishinde 126 beınekamera ornatylyp, aýlasynda balalarǵa arnalǵan oıyn jáne sport alańdary jasaqtalǵan.
– Munaıly aýdany jańa oqý jylyn laıyqty daıyndyqpen qarsy aldy. Jańa oqý jyly bastalysymen sý jańa zamanaýı «Keleshek mektebiniń» ashylýy – turǵyndar, ata-analar men oqýshylar, ustazdar úshin zor qýanysh. Bilim ordasy – elimizdiń bilimdi, bilikti keleshegin tárbıeleıtin kıeli oryn bolsyn dep tileımiz, dedi Munaıly aýdandyq bilim bóliminiń basshysy S.Jubanov.
Mańǵystaý oblysy
