Senator Bekbolat Orynbekovtiń aıtýynsha, búginde ınvestısııa tartý máselesi qarqyndy ósip keledi. Alaıda Prezıdent Joldaýynda atap ótkendeı, eń kúrdeli másele – óndiristi damytý.
«Qytaıǵa barǵan sapar barysynda memleketaralyq kelisimder jasalyp, Alataý Sıtı jobasy boıynsha naqty sheshimder qabyldandy. Bul sıfrlyq qala retinde damıtyn bolady. Sondaı-aq Memleket basshysy aıtqandaı, sheteldik ınvestısııa tartýdyń mańyzdy baǵytynyń biri – salyqtyq jeńildikter», dedi senator.
Orynbekov Prezıdenttiń Joldaýynda jappaı sıfrlandyrýǵa erekshe nazar aýdarylǵanyn atap ótti. Onyń aıtýynsha, bul baǵyt árbir mınıstrlik pen ákimdiktiń jumysyna tikeleı qatysty.
«Jasandy ıntellektini engizý máselesi de óte ózekti. Al jalpy Joldaýdyń negizgi baǵyttary aıqyndaldy. Memleket basshysy áleýmettik salaǵa da keńinen toqtaldy», dedi Bekbolat Orynbekov.
